Agege 12
12
Obaŋa olwoŋo Abram
1 #
Tic 7.2-3; Eb. 11.8 Rwot okobbi Abram ni, “Ya oko i lobo turwu, i akina jowu, kede i ot a pappi, iwot i lobo ame an abino nyutti. 2An abino miyi idoko rok adwoŋ meicel, dok daŋ abino miyi winyo kun amio nyiŋi rwo meicel; mano bino miyo ibedo akel winyo. 3#Gal. 3.8Abino miyo winyo i kom jo a lammi winyo, aco jo ame ceni acena, an daŋ abino cenogi; dok atekere me wi podo luŋ bino nwoŋo winyo piri.”
4Abram te cako wot amannono, kit ame Rwot okobbe kede, kun Lot daŋ woto karacel kede. Abram onwoŋo doŋ mwaka me dittere oromo pyerabiro wie abic i kare ame en ya i lobo Karan. 5Abram owoto karacel i dako mere Carai, kede Lot atin ominnere, kede limgi luŋ, kede jogi luŋ ame gin onwoŋo i Karan. Gin te ero wotgi me wot i lobo Kanaan; ote tuno daŋ anaka i Kanaan. 6Abram oŋolle i dye lobo, obino naka i kabedo ame tye i Cekem, tuno anaka ite kworo me More. I kare-nono onwoŋo jo Kanaan pwod bedo i lobo-nono. 7#Tic 7.5; Gal. 3.16Rwot te nen baŋ Abram kun kobbe ni, “Abino miyo lobo man baŋ ikwai.” En te cano keno me miyo lam baŋ Rwot ame onen baŋe kuno. 8En dok te dak oko i kuno, jer i lobo obedo kidi kidi ame tye tuŋ kide me Betel. En te guro kema mere kuno oweko Betel tye tuŋ to, eka Ai te bedo tuŋ kide. En te cano keno lam kuno, te kwayo Rwot. 9Abram dok te medde i wottere i nyim tutuŋ Negeb.
Abram i lobo me Miciri
10Kec rik onwoŋo opoto i lobo; keccono rik onwoŋo gwa atek, ormo Abram owoto piny i Miciri eka te bedo koŋ kuno pi kare moro. 11Kare ame en doŋ ceggi donyo i Miciri, en te kobbi dako mere Cerai ni, “Nen, ba, an aŋeo ni yin ibedo dako amwonya meicel; 12jo Miciri ka bino neni, gin bino kobo ni, ‘Man dako mere’; gin obino neka ote weki yin bedo kwo. 13#Age. 20.2; 26.7Doŋ yin myero ikob ni ibedo aminna, mano bino miyo gin bedo keda aber, dok mom obino neka piri.” 14Ka Abram odonyo i Miciri, jo Miciri oneno dako mere mwonya atek meicel. 15Kare ame otic a Parao adoŋo mege onene, opwoc meicel baŋ adwoŋgi Parao, te miyo tero Carai i ot a Parao. 16Mannono omio Parao te bedo kede Abram aber pire; Abram te nwoŋo twoni, romi, kede twoni kana, opii kede aŋeca ecipan, kede megi kana, kede inaga apipim.
17Ento Rwot te wuno Parao kede jo me ode etak i twoni too mogo a mom kobere pi Carai dako Abram. 18Omio Parao te lwoŋo Abram baŋe, te penye ni, “Itima aman piŋo? Piŋo rik mom ititta atira ni en dakoni? 19Piŋo dok ikobo ni, ‘En aminna’ ame omio an atere obedo dakona? Aman doŋ cegi en ba! Game iwot giri doŋ oko.” 20Parao te ciko jo mere pire, ni myero gin lwoke ewoti karacel i cege kede jami mere a rik tye baŋe luŋ.
Currently Selected:
Agege 12: Lango
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Lango Bible © United Bible Societies, 1978, 2019.