Sam 137

137

Sam Kratrtqki-esz'-nzpnu-tq-nrade-rlimz (137)

Rblx Nzngr-abrtz-krgr Mz Nzmnc-krgr Bxbilon

1Kx dcpx mz drtwrgr nzodatingr Jerusalem,

Sc tqyrnipekr mz nzwxbune-krgr mrkzble mz nqlvi r ningaling Bxbilon.

2X gita negrng adotxlzpekrng

Mz nounc kx nztung mrlcde.

3Krkcng tzlolvztilr nigr, tzxtrnga-ngrdr nigr, nzrpimlr bagr kx,

“Ngr-ngrmamu du bagr nabz kxtr nemung.”

4A' mz drtwrgr rpikr kx, “Rblx nzngr-abrtz-krbzkr mz Yawe,

Mz nzmnc-krgr mz mztea nyz kxtrnzrlxngitiung.

5Murde nzmu kx tqmrbrtitr drtwrnge Jerusalem,

Namrbrtitr kz drtwrnge kxmu nzayrni-krnge gita nenge.

6X nzmu kx tqrblx nzdcpx-kaikr Jerusalem mz nabznge,

Narblx kz nzngr-krnge nabz ngrdeng.”

7Yawe, nadcpxpwz mz drtwrm alwx ngr lr Edom.

Murde mzli kc lr Bxbilon tzodati-ngrdr Jerusalem,

Sc tzrpibzlr badr kx, “Odatiamu!

Odatiamu x natutx-lxlrngr.”

8Yawe, rlxtibzkr bam nzamrlz-krm ncblo kc naodati-atwrnr-ngrde lr Bxbilon,

Mz nzayzlu-krbzle badr da kcng tzwaisr-ngrdr nigr. #Nzaelwapxngr 18:6

9Murde na-abrtz-ngrde nzlolvzti-krde doa lcng,

Mz nztamyrtitx-krde nidr.

Currently Selected:

Sam 137: ntu

Highlight

Copy

Popular Bible Verses from
Sam 137