Mathayo 1
1
1Kitap de kuat ke Yecu Kritho, wen e Dabid, Dabid e Abraɣam. 2Abraɣam ee Yithak dhieth; ku dhieth Yithak Jakob; ku dhieth Jakob Juda ku watmathken; 3ku dhieth Juda Peredh ku Dhera de Tamar; ku dhieth Peredh Kedhron; ku dhieth Kedhron Aram; 4ku dhieth Aram Aminadap; ku dhieth Aminadap Nacɔn; ku dhieth Nacɔn Thalmon; 5ku dhieth Thalmon Boadh de Rakab; ku dhieth Boadh Obed de Ruth; ku dhieth Obed Jethe; 6ku dhieth Jethe Dabid melek.
Ku dhieth Dabid Tholomon ne tiŋ ne ci kan ya tiŋ de Uria; 7ku dhieth Tholomon Rekoboam; ku dhieth Rekoboam Abija; ku dhieth Abija Atha; 8ku dhieth Atha Jekocapat; ku dhieth Jekocapat Joram; ku dhieth Joram Udhia; 9ku dhieth Udhia Jotham; ku dhieth Jotham Akadh; ku dhieth Akadh Kedhekia; 10ku dhieth Kedhekia Manathe; ku dhieth Manathe Amon; ku dhieth Amon Jothia; 11ku dhieth Jothia Jekonia; ku watmathken, ne run e lere kɔc Babulon.
12Ku na ci kɔc laar Babulon, ke Jekonia dhieth Calathiel; ku dhieth Calathiel Dhorobabel; 13ku dhieth Dhorobabel Abiud; ku dhieth Abiud Eliakim; ku dhieth Eliakim Adhor; 14ku dhieth Adhor Thadok; ku dhieth Thadok Acim; ku dhieth Acim Eliud; 15ku dhieth Eliud Eleadhar; ku dhieth Eleadhar Mathan; ku dhieth Mathan Jakob; 16ku dhieth Jakob Jothep mony de Mari, man ci Yecu dhieth, ci cɔɔl Kritho.
17Yen kuat kedhia ne Abraɣam agut Dabid aaye thiɛr ku ŋuan; ku ne Dabid agut leer de kɔc Babulon aaye thiɛr ku ŋuan; ku ne leer de kɔc Babulon agut Kritho aaye thiɛr ku ŋuan.
18Dhiɛth de Yecu Kritho ee yinla: na ci man Mari koot ne Jothep, aŋootki e ke ken guɔ reer, go yok ke liac ne meth ne Jɔŋdiit Lajik. 19Ku Jothep monyde, ee ye ran piath, ku cin piɔu bi caath guɔp, nɔŋ piɔu bi nyaai neluɔɔŋ. 20Ku te tɛk en keekake, ŋɛmka, go malaika de Bɛnydit tuɔl enɔŋ en ne nyuɔth, jiɛm, Ye Jothep, wen de Dabid, duɔne riɔc ne leer de tiŋdu Mari: ke liɛc en ee ke de Jɔŋdiit Lajik. 21Kabi wa dhieth, ku kabin rinke cak cɔk ye Yecu: yeneka bi kɔcke luɔk ne karɛcken. 22Keekake kedhia aa loi bi ke ci luel ne Nhialic ne thoŋ de nebi bi ya yic, jiɛm,
23Ye ŋɛmka, dhueny ken thɔny ke roor abi liac, ku kabi wa dhieth,
Ku kabik cak cɔkki ye Emanuel;
te luele yen ne thoŋda, ke ye, Nhialic ee tɔ ke wɔ. 24Go Jothep rɔt jɔt ne ninic, ku loi ci man cene ye lɛk e ne malaika de Bɛnydit, loom tiŋde; 25ku cik thɔny agut te dhieth en wa: ku jɔl rinke cɔɔl Yecu.
Currently Selected:
Mathayo 1: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn more about Lek Jot de Jecu Kritho 1940