مَتَّ 2
2
لِࢩٛوࢡٜ عَلَامَاجِ نغَرِ لَارُغٛ عِيسَى
1عِيسَى دَࢩَامَ حَا بَيْتِلَامَ، ندٜرْ لٜسْدِ يَحُدِيَ، ندٜرْ زَمَنُ لَامِيطٛ حِرُدُسْ؞ ندٜنْ عَنْدُࢡٜ عَلَامَاجِ کٛودٜ نغَرِ دِغَ ڢُونَانغٜ حَا عُرُسَلِيمَ؞ 2ࢡٜࢨَمِ: «تٛيْ ࢡِنغٜلْ دَࢩَانغٜلْ لَاتِينغٜلْ لَامِيطٛ يَحُودُعٜنْ وٛنِ؟ نغَمْ مِنْ نغِعِ حٛرّٜ مَاغٜلْ حَا ڢُونَانغٜ عٜ مِنْ نغَرِ سُجِدَنْغٛ نغٜلْ؞»
3ندٜ لَامِيطٛ حِرُدُسْ نَنِ طُمْ، عٛسَکْلِ، يِمْࢡٜ عُرُسَلِيمَ ڢُو شَکْلِ؞ 4عٛمٛوࢡْتِ مَوْࢡٜ لِمَنْعٜنْ عُمَّاتٛورٜ عٜ مٛودِࢡّٜ تَوْرٜىٰتَ ڢُو، عٛࢨَمِ ࢡٜ: «حَا تٛيْ اَلْمَسِيحُ دَࢩٜتٜ؟» 5ࢡٜمبِعِمٛ: «حَا بَيْتِلَامَ، ندٜرْ لٜسْدِ يَحُدِيَ؞ نغَمْ ندَا کٛ اَلنَّبِيجٛ وِنْدِنٛ:
6عَنْ بَيْتِلَامَ ندٜرْ لٜسْدِ يَحُدِيَ،
ڢَکَتْ عَࢡُرَايْ غُرٜ يَحُدِيَ ڢُو لٜىٰسُغٛ،
نغَمْ حَا مَاطَ عَرْدِيطٛ عِوَتَ،
کَنغْکٛ دُرَتَ عُمَّاتٛورٜ عَمْ إِسْرَاءِيلَ#مِکَ 5:1؞؞»
7ندٜنْ حِرُدُسْ عٜوْنِ عَنْدُࢡٜ عَلَامَاجِ کٛودٜ غٛ بٜى سِرِّ، ࢡٜݠَامْتِنِمٛ سَاعِ حٛرّٜ وَنغِ؞ 8عٛنٜلِ ࢡٜ حَا بَيْتِلَامَ، عٛوِعِ ࢡٜ: «کٜࢡٜ حَبَرُ مَاغٜلْ بٜى لَاࢡْطُمْ؞ تٛ عٛنْ تَوِ نغٜلْ، عَنْدِنٜىٰطَمْ، حَا مِنْ بٛو مِيَحَ، مِسُجِدَنَ نغٜلْ؞»
9ندٜ ࢡٜنَنِ کٛ لَامِيطٛ وِعِ ࢡٜ، ࢡٜندِلِّ؞ حٛرّٜ ندٜ ࢡٜنغِعْنٛ حَا ڢُونَانغٜ غٛ عَرْدِ ࢡٜ، ندٜ يٛتِّ دٛوْ نٛکُّورٜ ࢡِنغٜلْ وٛنِ، ندٜ دَرِ؞ 10ندٜ ࢡٜنغِعِ حٛرّٜ، ࢡٜشٜيِ بٜى سٜيٛ مَنغٛ مَسِنْ؞ 11ࢡٜنَسْتِ سُودُ، ࢡٜتَوِ ࢡِنغٜلْ عٜ مَرِيَمَ، دَادَ مَاغٜلْ؞ ࢡٜتُغِّ کٛݠِّ، ࢡٜشُجِدَنِ نغٜلْ؞ ندٜنْ ࢡٜݠِيسْتِ دٛنغْلٜ مَࢡّٜ، ࢡٜندٛکِّ نغٜلْ دٛکّٜ: کَنغّٜىٰرِ عٜ عُورْلٜ دَنٜىٰجٜ غُلٜتٜىٰطٜ عٜ عُورْدِ بَطَادِ؞ 12ࢡَاوٛطٛنْ اَللَّه رٜىٰنْتِنِ ࢡٜ ندٜرْ کٛيْطٛلْ تَا ࢡٜلٛرٛ حَا حِرُدُسْ؞ ࢡٜکٛوتِ لٜسْدِ مَࢡّٜ بٜى لَاوٛلْ ڢٜىٰرٜ؞
دٛغُّکِ حَا مِصْرَ
13ندٜ لِࢩٛوࢡٜ عَلَامَاجِ غٛ ندِلِّ، مَلَاعِکَاجٛ جَوْمِرَاوٛ وَنغَنِ يُوسُڢُ ندٜرْ کٛيْطٛلْ، عٛوِعِ: «عُمَّ، لَوْ حٛوعُ ࢡِنغٜلْ عٜ دَادَ مَاغٜلْ، دِلُّ حَا مِصْرَ، جٛوطَ تٛنْ حَا تٛ مِيٜشِّ مَ: وَرْتُ، نغَمْ حِرُدُسْ تَمِّ تٜڢُغٛ ࢡِنغٜلْ حَا عٛحَلْکَ نغٜلْ؞»
14ندٜنْ يُوسُڢُ عُمِّ، حٛوعِ ࢡِنغٜلْ عٜ دَادَ مَاغٜلْ، دِلِّ مِصْرَ بٜى جٜمَّ؞ 15عٛجٛوطِ تٛنْ حَا يٛتِّ مَايْدٜ حِرُدُسْ، نغَمْ حَا کٛ جَوْمِرَاوٛ وِعْنٛ بٜى حُنْدُکٛ اَلنَّبِيجٛ حِࢡَّ: «مِعٜوْنِ ࢡِطّٛ عَمْ، مِوُرْتِنِمٛ لٜسْدِ مِصْرَ#حٛسٜعَ 11:1؞؞»
مبَرْکِ ࢡِکّٛيْ
16ندٜ حِرُدُسْ ڢَامِ عَنْدُࢡٜ عَلَامَاجِ کٛودٜ غٛ شَرْغِمٛ، عٛتِکِّ مَسِنْ، عٛنٜلِ، ࢡٜمبَرِ ࢡِکّٛيْ نغٛرْکٛيْ حَا بَيْتِلَامَ عٜ غُرٜ تَارِيطٜ نغٛ ڢُو، دِغَ مَرْکٛيْ دُوࢡِ طِطِ بٜى کٛيْ شِکَايْ دُوࢡِ طِطِ، ڢٛدّٜ سَاعِيرٜ ندٜ عَنْدُࢡٜ عَلَامَاجِ عَنْدِنِمٛ بَنغُکِ حٛرّٜ غٛ بٜى لَاࢡْطُمْ؞ 17بَنَ نِي عَنَّبَاکُ يٜرٜمِيَ حِࢡِّرِ:
18«غٛوکَالِ مبَطِ حَا رَمَ،
بٛجِّ عٜ يٛويٛوجِ طُوطِ؞
رَحِيلُ طٛنْ وٛيَ ࢡِکّٛيْ مُمْ،
عٛيِطَا دٜعِّتِنٜىٰغٛ، نغَمْ کٛيْ مَايِ#يٜرٜمِيَ 37:15؞؞»
لٛرَاکِ دِغَ مِصْرَ
19ندٜ حِرُدُسْ مَايِ، مَلَاعِکَاجٛ جَوْمِرَاوٛ وَنغَنِ يُوسُڢُ ندٜرْ کٛيْطٛلْ حَا مِصْرَ، 20عٛوِعِمٛ: «عُمَّ، حٛوعُ ࢡِنغٜلْ بٜى دَادَ مَاغٜلْ، حٛوتُ لٜسْدِ إِسْرَاءِيلَ، نغَمْ تٜڢْنٛوࢡٜ مبَرُغٛ ࢡِنغٜلْ غٛ مَايِ؞»
21يُوسُڢُ عُمِّ، حٛوسِ ࢡِنغٜلْ عٜ دَادَ مَاغٜلْ، حٛوتِ لٜسْدِ إِسْرَاءِيلَ؞ 22عَمَّا ندٜ عٛنَنِ عَرْکِلَوُسْ رٛنِ لَامُ بَابَ مُوطُمْ حِرُدُسْ دٛوْ لٜسْدِ يَحُدِيَ، عٛحُلِ يَحُغٛ تٛنْ؞ عَمَّا اَللَّه رٜىٰنْتِنِمٛ ندٜرْ کٛيْطٛلْ، عٛيٜحِ حَا لٜسْدِ غَلِيلِ، 23عٛجٛوطِ ندٜرْ بٜرْنِوٛلْ بِعٜتٜىٰنغٛلْ نَسَرَتُ؞ طُمْ وَطِ نٛنْ نغَمْ حِࢡِّنغٛ بٛلّٜ اَلنَّبِعٜنْ، عَنْدِنْࢡٜ: «عٛ بِعٜتٜىٰطٛ نَسَرَتُوجٛ#عٜسَايَ 11:1؛ مَرْکُسْ 1:24؛ لُکَ 2:39؛ يُحَنَّ 1:45؞؞»
Currently Selected:
مَتَّ 2: داَ
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.