Aposel Miimow opora
Miimow opora
Luk Yeesus opor eliwa siisimep-puap Aposel opora fain pun siisimok. Opora feenap, Ewar Eliwa-ke wi aposel kema wieya Yeesus opor eliwa ikip wia maakem-miemik, Yerusalem-pa onoma wuap naap ikip Yuudia, Samaria ne miiw unowa owowa.
Yeesus ona sios teeria Yuudia-pa iikirowak nain nan manekarep miiw unowa owow unowa ikiwok. Ne Luk fain naep opora nain siisimok, Mua Maneka opora iiriw wi Isrel wia maakep koonowak nain Krais uuwowa-pa opora wia opomaya makena arek. Ne emeria mua o ookimik nain baliwep ikaimik nain pun makena wiar urufamik.
Aposel fain siisimok nain onoma oko feenap, Ewar Eliwa Mua Maneka Ewar-ke naek. Ewar Eliwa Pentikos-pa Yeesus teeria wiar orop kema wiemi uuwowa onowa kekanowa wiek. Naeya wi uuwowa onami Yeesus opora wia maakem-miemik nain mufem-ikemik. Ne emeria mua unowa kema kirep teeria wiar ekiwkin teeria manekareya kekanowa ikua.
Opor ara papako Luk eena Pol nanar siisimemi, “is” naem-ikua. Naapeya amis mua papako-ke maemik, iir nain Luk ona pun Pol wameiya uuwam-ikua.
Currently Selected:
Aposel Miimow opora: mhlNT
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.