لوقا 5
5
ائلک شاگئردلر
(متّا 4:18-22، مرقوس 1:16-20)
1بئر گون عئسا جنئسارت گؤلونون#5:1 هَمَن «جلئل گؤلودور.» قیراغیندا دورموشدو کی، خالق تارینین کلامینی اشئتمک اوچون اونون اطرافینا ییغیلیب، اونو سیخیشدیریردیلار. 2عئسا گؤلون قیراغیندا ائکی قاییغین دوردوغونو گؤردو؛ لاکئن بالیقچیلار قاییقلاردان چیخیب تورلارینی یویوردولار. 3قاییقلارین بئرئنه مئندی. بو قاییق شمعونون ائدی. عئسا اوندان خاهئش اتدی کی، ساحئلدن بئر آز آرالانسین. و قاییقدا اوتوروب خالقا تعلئم ورئردی.
4سؤزونو قورتاراندان سونرا شمعونا ددی: «درئن یره سور و بالیق توتماق اوچون تورلارینیزی سویا آتین.»
5شمعون جاوابیندا اونا ددی: «اوستاد! بوتون گجه چالیشدیق، هچ بئر شی توتا بئلمه‌دئک. آمّا سنئن سؤزونه گؤره تورلاری آتاجاغام.»
6و بونو ادن زامان چوخلو بالیق توتدولار؛ او قدر کی، تورلاری ییرتیلیردی. 7او بئری قاییقدا اولان شرئکلرئنه ائشاره اتدئلر کی، گلئب اونلارا کؤمک اتسئنلر. اونلار دا گلئب هر ائکی قاییغی بالیقلا دولدوردولار، بله کی، قاییقلار باتماغا باشلادی. 8شمعون پطروس بونو گؤرن زامان عئسانین آیاقلارینا دوشوب ددی: «یارب، مندن اوزاقلاش، چونکی من گوناهکار بئر کئشئیَم.» 9اوندان اؤتری کی، توتدوقلاری بالیقلارین چوخلوغوندان اونو و اونونلا اولانلارین هامیسینی حیرت بورودو. 10و بله ده زِبِدِیئن اوغوللاری یعقوب و یوحنّانی دا کی، شمعونون شرئکی ائدئلر. عئسا شمعونا ددی: «قورخما! بوندان سونرا ائنسانلاری توتاجاقسان.»
11اونلار قاییقلاری ساحئله چکدئلر و هر شیی آتیب عئسانین دالینجا گتدئلر.
عئسا جوذاملی بئر آداما شفا ورئر
(متّا 8:1-4، مرقوس 1:40-45)
12عئسا شهرلرئن بئرئنده اولاندا، بئر آدامی اونون یانینا گتئردئلر کی، هر یانینی جوذام#5:12 اصل یونانی متنئنده جوزام کلمه‌سی بئر چوخ دَری ناخوشلوغونا شامئل اولوردو. توتموشدو. آدام عئسانی گؤرن واخت اوزو-اوسته یره دؤشه‌نئب یالواردی: «یارب، اگر ائستیه‌سن، منی طاهئر اده بئلرسن.»
13عئسا الئنی اوزاتدی و اونا توخونوب ددی: «ائسته‌یئرم، طاهئر اول.» آدام آنَن جوذامدان قورتولدو. 14عئسا اونا تاپشیردی کی، هچ کئمه بئر سؤز دمه‌سئن، آنجاق گدئب اؤزونو کاهئنه گؤرسدسئن و طاهئر اولدوغو اوچون موسانین بویوردوغو کئمی قوربان تقدئم اتسئن کی، اونلارا شهادت اولسون.
15آمّا عئسانین حاقّیندا خبر داها دا چوخ یاییلیردی؛ و چوخ آدام اونو اشئتمک و ناخوشلوقلاریندان صاغالماق اوچون اونون یانینا گلئردئلر. 16آمّا او اؤزو مورتّب ساکئت یرلره چکئلئب، دوعا ادئردی.
بئر ائفلئجئن شفاسی
(متّا 9:1-8، مرقوس 2:1-12)
17تعلئم وردئیی گونلرئن بئرئنده جلئل، یهودئیه، و اورشلئمئن هامی کندلرئندن گلمئش فرئسئلر و دئن عالئملری اوتورموشدولار و عئسا، ربّئن قووّتی ائله ناخوشلارا شفا ورئردی. 18بو آرادا، بئر نچه نفر، ائفلئج بئر آدامی یاتاق اوستونده گتئردئلر و چالیشیردیلار کی، اونو ائچه‌ری گتئرئب عئسانین حوضوروندا یره قویسونلار. 19آداملارین چوخلوغونا گؤره ائچه‌ری گئره بئلمه‌دئکلری زامان، اِوئن دامینا چیخدیلار و دامین سئفاللاری آراسیندان اونو یاتاغی ائله اورتایا، عئسانین قاباغینا اندئردئلر. 20عئسا اونلارین ائمانینی گؤرنده ددی: «آی کئشی، گوناهلارین باغیشلاندی.»
21دئن عالئملری و فرئسئلر اؤزلرئنده بله دوشونوردولر: «بو آدام کئمدئر کی، بله کوفر دانیشیر؟! واحئد تاریدان باشقا کئم گوناهلاری باغیشلایا بئلر؟!»
22لاکئن عئسا اونلارین نه فئکئر اتدئکلرئنی بئلدی و اونلارا جاواب ورئب ددی: «اوره‌یئنئزده نه فئکئر ادئرسئنئز؟! 23هانسی داها آساندیر؛ ”گوناهلارین سنه باغیشلاندی“ دمک، یوخسا ”قالخ، یری!“ دمک؟! 24آمّا اونون اوچون کی، بئله‌سئنئز ائنسان اوغلونون یر اوزونده گوناهلاری باغیشلاماق ائقتئداری وار…» ائفلئج آداما ددی: «سنه دیئرم: دور، یاتاغینی گؤتور و اِوئنه گت!» 25او آندا ائفلئج آدام اونلارین گؤزونون قاباغیندا قالخیب یاتاغینی گؤتوردو و تارییا حمد اده-اده اِوئنه گتدی. 26هامینی حیرت بورودو و تارییا حمد ادئردئلر و بؤیوک قورخو ائچئنده دیئردئلر: «بو گون قرئبه ائشلر گؤردوک!»
عئسا لاوئنی چاغیریر
(متّا 9:9-13، مرقوس 2:13-17)
27بونلاردان سونرا، عئسا اشئیه چیخدی و لاوی آدلی باج ییغان بئر آدامی باجخانادا اوتورموش گؤردو. و اونا ددی: «دالیمجا گل!»
28لاوی ده هر شیی بوراخیب آیاغا قالخدی و اونون دالینجا گتدی. 29و اؤز اِوئنده عئسا اوچون بؤیوک بئر قوناقلیق وردی. اونلارلا سوفره باشیندا بئر چوخ باج ییغانلار و اؤزگه آداملار وار ائدی. 30دئن عالئملری و فرئسئلر دیئنئب عئسانین شاگئردلرئنه ددئلر: «نه اوچون باج ییغانلار و گوناهکار آداملارلا ییئب-ائچئرسئنئز؟!»
31لاکئن عئسا جاواب ورئب اونلارا ددی: «صاغ آداملار یوخ، ناخوش آداملار طبئبه مؤحتاجدیرلار. 32من گلمئشم کی، صالح آداملاری یوخ، گوناهکار آداملاری تؤوبه‌یه چاغیریم.»
33اونلار عئسایا ددئلر: «نه اوچون یحیانین شاگئردلری تز-تز اوروج توتوب، دوعا ادئرلر. فرئسئلرئن شاگئردلری ده بله ادئرلر. آمّا سنئن شاگئردلرئن ییئب-ائچئرلر؟»
34عئسا اونلارا ددی: «بَی اوغلان دوستلارینین یانیندا اولانا قدر، آیا اونلارا اوروج توتدورا بئلرسئنئز؟ 35لاکئن او گونلر گله‌جک کی، بَی اونلارین الئندن آلینسین. اونلار او زامان، او گونلرده اوروج توتاجاقلار.»
36و اونلارا بئر مثل ده ددی: «هچ کس تزه پالتاردان بئر پارچا قوپاردیب، کؤهنه پالتارا یاماق وورماز. بله اولسا، هم تزه پالتاری ییرتار، هم ده تزه پالتاردان آلینان پارچا کؤهنه پالتارا یاراشماز. 37هچ کس ده تزه شرابی کؤهنه تولوقلارا دولدورماز. بله اولسا، تزه شراب تولوقلاری پارتلادار؛ هم اؤزو تؤکولر، هم ده تولوقلار هدر اولار. 38تزه شراب تزه تولوقلارا دولدورولمالی‌دیر. 39و هچ کئم کؤهنه شرابی ائچندن سونرا، تزه شرابی ائسته‌مز. چونکی دئیر: ”کؤهنه‌سی یاخشی‌دیر.“»
Currently Selected:
لوقا 5: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.