Popular Bible Verses from IPISUS 5

Share

Tilu kano ri Aki Kapuuno' sabap ra akau noyo anak ondo' tagamin Nano. Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

Ginio ra ilai' min toojo ati kulaan baal ru kaayagan mino. Pai' kau koson ra ulun bungas, kaa' kapintar kano. Moonong kaluagan ondo' mokoondo' ramuyun, alapo' min ginio koson mambaal ra moonsoi, sabap ra raino ti masuang kapaganan takau.

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun. Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk. Ra pasimpungan min ri Tuhan Jisus Kristus, kasalok kano maringkuanang ri Aki Kapuuno', Ama' takau, ra ngaangai' ru atan ayuk.

Ginio ra pai' kau noyo bungas, kaa' uyumo' min noyo atan ondo' kasagaan ru Tuhan.

Ralaki kau ngai', tagami' noyo andu' mino, mogondo' ri Kristus nonogom noyo ra pasimpungan ulun Kristian am niayuk nampataak ra painawo Nano koson ilo.

Gili akau galama' lakat ayuk poyo ra kalandaman, kaa' raino nasauk kano ra ulun mangintopot ra Tuhan, ginio ra kaayag kano ralalom ru sinda.

Gagaya' kano ra sangulun am bokon, sabap ra akau mangurumat ri Kristus.

Andu' kau ngai', gagaya' kano ra ralaki min, koson niayuk ra akau mangurumat ra Tuhan.

Ginio pana makakulawit niayuk ramuyun: moonong ralaki musiti' motogom ra andu' nano koson riso galama', am niayuk moonong andu' musiti' gumagaya' ra ralaki nano.

Mokoondo' niayuk tinulisan ra Buuk Kitab ra, “Ginio sabap ra sangulun ungkuyon sumuai ra matuo nano am masimpung ra andu' nano, am ilo karuo no masauk rondo'.”

Pai' pagibaya' ra sauk ru kalandaman ondo' kolondo' ampos moonsoi. Kaa' pabalaa' noyo baal koson raginio.