Popular Bible Verses from Jeremiya 8

Share

Sa taakwe mabbona ku-Gileadi? Sa taakwe musiliki nkuko? Ino nkaambonzi zilonda zyamwana musimbi wabantu bangu tazina kuponesegwa?

Lino uleelede kubaambila kuti, Mbuboobu mbwaamba Jehova. Na muntu wawa, sa tabuki alimwi? Na muntu waleya, sa tabooli munzila iielede?

Ma! Itongola lyakujulu lilizi ziindi zyalyo zyeelede. Sicinkwela asikamembya asikolyo boonse balibwene ziindi zyabo zyakuboola. Pele bantu bangu tabezi mulazyo wa-Jehova.

Ndakacenjeka matwi kuti nswiilile, pele tabakwe nibakaamba kabotu. Taakwe naba omwe uuempwa kububi bwakwe, uuamba kuti, Ma! Ndacitanzi? Boonse buyo balaya butobela makanze aabo beni mbubonya mbuli imbizi mbiizuza mukati kankondo.

Basongo bafwa insoni, bayoowa, bacegwa. Ncobeni ijwi lya-Jehova balilikakide, lino mbusongonzi mbubajisi?