Popular Bible Verses from Jeremiya 23

Share

Sa muntu ulakonzya kuyuba muciyubilo nkuntakonzyi kumubona? mbwaamba Jehova. Sa nsizuzyi nyika ajulu zyoonse? mbwaamba Jehova.

Amubone! Mumazuba aaboola, mbwaamba Jehova, njoobusizya Davida mutabi uululeme, mwami uuyooendelezya cabusongo akubeteka cakululama munyika. Mumazuba aakwe Juda uyoofutulwa a-Israyeli uyookala cakuliiba, Azina lyakwe ndyayooulikwa ndeeli: Jehova mbululami bwesu.

Maawe kubeembeli banyonyoona akumwaisya imbelele zyabutanga bwangu, mbwaamba Jehova.

Njooyobolola imbelele zyangu zicisyeede kuzwa kuzisi zyoonse nkundakazitandilide, njooziboozya kucimpati cazyo, lino ziyoozyalisya akuvula. Nkabela njoozibikila beembeli bakuzyeembela, aboobo tazikoonooyoowa limbi nikuba kukankama nikuba kubulila, mbwaamba Jehova.

Mbuboobu mbwaamba Jehova wamakamu. Mutaswiilili majwi aabasinsimi bamusinsimina. Balamuzuzya bulangizi bwa buyo, balaamba zilengano zyamyoyo yabo beni zitazwi kumulomo wa-Jehova.