Popular Bible Verses from Jeremiya 17

Share

Uli acoolwe muntu uusyoma Jehova, uujisi Jehova mbuli mutabilizi wakwe. Uyooba mbuli musamu uubyalidwe kumbali lyamaanzi, uutunga miyanda yawo kukalonga, uutayoowa inkasaaloniisika, Maatu aawo alasia lyoonse, amumwaka wacimpayuma taakwe cuukataazya, tuuleki kuzyala micelo.

Moyo wamuntu uleena kwiinda zintu zyoonse, ulijisi bulwazi bukaka kupona, taakwe uukonzya kuzibisya mbuubede.

Mebo nde-Jehova ndilalingula moyo, ndilasunka-sunka insa, kuti mbweedezye muntu bulumbu bweelede inzila zyakwe, bweelede micelo yamilimo yakwe.

Mbuboobu mbwaamba Jehova. Uli alutuko muntu umwi aumwi uusyoma muntu uulya maila, uubika moyo wakwe kukuboko kwanyama yabuntu, uulesya moyo wakwe kuzwa kuli-Jehova. Uli mbuli kasamu kamunkanda, takooyoobona cintu niciba cimwi cibotu cimusikila. Ulakala mumasena aayuminide aamunkanda, munyika yamunyo iitakalwi bantu.

Kondiponya, O Jehova, mpone. Kondifutula, mfutulwe, nkaambo nduwe nguntembaula.