Popular Bible Verses from Ba-Efeso 2

Share

Nkaambo iswe tuli milimo yamaanza aakwe, twakalengelwa milimo mibotu muli-Kristo Jesu, njiyo njakabambide kale, kuti tweendele mulinjiyo.

Nkaambo kakuti luzyalo ndolumufutisizye nkaambo kalusyomo, nkabela makani taazwi kulindinywe nubeni, ncipo buyo cizwa kuli-Leza. Teensi makani aancito zyesu, pe, kuti kutabi muntu uulikankaizya.

Pele Leza, Sibuuya loko, nkaambo kaluyando lwakwe lupati, ndwaakatuyandisya, nekuba kuti twakalifwide mumilandu, wakatubusya toonse antoomwe a-Kristo (luzyalo ndomufutuzidwe).

Wakatusumpwida antoomwe anguwe akutukazika toonse mumyeenya yamujulu muli-Kristo Jesu

Nkaambo kaako sunu tamucili beenzu na kutegwa muli bazwakule, pe, muli bamusyobonyina basalali, muli baciinga ca-Leza. Muliyakidwe atala antalisyo yabaapostolo ayabasinsimi, nkabela Jesu Kristo mwini ndibbwe lyakuciswi caŋanda.