Popular Bible Verses from Mukambausi 9

Share

Kufumbwa milimo njaajana maanza aako, kocita canguzu, nkaambo taakwe milimo niiba miyeeyo neluba luzibo nebuba busongo mukabanda moyoonjila.

Acintu cimwi ncimbwene ansi ano nceeci. Teensi basiluno bazunda mukusiyana, teensi basintaze bazunda munkondo, teensi basongo bajana zyakulya, teensi bacenjede bavuba imbono, teensi basimaanu bafwidwa luzyalo, pe. Bantu boonse buyo balasikilwa ziindi zyalufu azyamapenzi

Kobotelwa amwanakazi ngoyandisya mazuba oonse aabuumi bwako bwabuyo mbwakupede ansi ano, mazuba aako oonse aabuyo, nkaambo ncencico caabilo cako mubuumi amumilimo yako njobeleka ansi ano.

Mbubo. Kolya cilyo cako cakukondwa akunywa waini amoyo mubotu, nkaambo Leza watambula kale milimo yako.

Busongo mbubotu kwiinda zyakulwisya, pele sizibi omwe ulanyonyoona bubotu bunji.

Majwi aabusongo aamvwigwa caluumuno mabotu kwiinda cikwala casilutwe wabafubafuba.

Nkaambo baumi balizi kuti balafwa, pele bafwide tabezi cintu niciba comwe; tabacijisi impindu, tabaciyeeyegwi limbi.