Popular Bible Verses from Mukambausi 2

Share

Nkaambo muntu uumubotezya, Leza ulamupa busongo aluzibo akukondwa, pele sizibi, ulamupa milimo yakulundika imbono kuti azisiile muntu mubotu mumeso aa-Leza. Eci acalo ncabuyo, tacikutyi moyo.

Taakwe cintu cibotu kwiinda eci: muntu alye akunywa akulikondezya mumilimo yakwe. Aceeci acalo, ndakabona kuti cilazwa kumaanza aa-Leza, nkaambo taakwe uukonzya kulya akulibotezya kunze lya-Leza

Pele nindakayeeya milimo yoonse yamaanza aangu, amakataalo oonse aakwiicita, ndakabona kuti zintu zyoonse nzyabuyo. Tazigwasyi pe, taakwe impindu zijanika ansi ano.

Kufumbwa cintu meso aangu ncaakali kuyanda, teendakali kwaakasya pe. Teendakakasya moyo wangu kucita neciba comwe cibotezya, nkaambo moyo wangu wakali kukondwa kumilimo yangu yoonse, Mbubulumbu mbundakajana kumilimo yangu yoonse.

Lino ndakabona kuti busongo bulainda bufubafuba, mbubonya mbuli mumuni mbuuinda mudima.

Musongo uli ameso mumutwe wakwe, anukuti mufubafuba uleenda mumudima, nekubaboobo ndizi kuti cintu comwe cilabasikila boonse

Nkaambo muntu uubeleka cabusongo acaluzibo acamaanu ulasia impindu yakwe yoonse mumaanza aamuntu iwatakaibelekela. Eci acalo ncabuyo, ncibi loko