Popular Bible Verses from 1 Timoteo 6

Share

Yasana lumamba lubotu lwalusyomo, jatisya buumi butagoli, mbowakaitilwa, niwakalilungulula lulilungululo lubotu kubusyu bwabantu boonse.

Nkaambo kuyandisya lubono ngomuyanda wabubi boonse, eno nkaambo kakuluyandisya bamwi ncobaleela kulusyomo, elyo zyabajaya insoni zinjizinji.

Mbukubede! Kukomba kulajanya lubono lunji, na moyo uli alulamo

nkaambo takukwe ncotwakaleta ansi ano nociba ncotukonzya kutolelela nkuko

Kolailila boonse abo bavubide ecino ciindi, kuti batalinuniki nokuba kusyoma buvubi butasyomeki, pele kusyoma Leza uutufonkweda zintu zyoonse kuti katunga katuligwasya nzizyo

Pele abo bayandisya kuvuba balawida mukutepaulwa amukuteegwa amuzisusi zibi zinji zyabufubafuba zibisizya buumi akubbizya bantu mukunyonyauka amukusweeka.

Kobalailila kuti bacite milimo iiluzi, kuti babe bavubi mukumana milimo mibotu, kuti kabafwamba kupa akwaabilana abeenzinyina. Kabaliyobweda intalisyo imbotu yaciindi ciza, kuti bajatisye buumi bwinibwini.