Popular Bible Verses from Lucas 19

Share

Runa Aichayuj Ñucaca, chingarishcacunata mashcashpa quishpichingapajmari shamurcani— nircami.

—¡Mandaj Diospaj shutipi shamucuj Jatun Mandajca, alli nishca cachun! ¡Jahua pachapipish alli sumaj cachun! ¡Taita Diostapish, sumajyachishca cachun!— nirircacunami.

Chashna nijpimi, Jesusca cashna nirca: —Cunan punllami, cai huasipi causajcunataca quishpichishca. Cai runapish, ñaupa yaya Abrahampaj huahua huahuamari.

Jesusca, Zaqueo tiyacun yura cʼuchuta ricushpaca, huichilla ricushpami: —Zaqueo, utca uriyamui. Ñucaca, cambaj huasipimari cunanca poźasha nini— nirca. Chashna ninca, callpashpa uriyamushpami, Zaqueoca cushicushpa Jesusta paipaj huasiman pusharca.

Chai qʼuipaca Zaqueoca, shayarishpami: —Riqui, Apu Jesús, ñuca charishcacunamanta chaupitami huajchacunaman cusha. Maijancunapajta umashpa shuhuashcataca, chuscu cutihuanmi tigrachisha— nircami.

Chashna caparinacujpimi, chai catimucujcunapuramanta maijan fariseocunaca Jesustaca: —Yachachij, Cambaj yachacujcunataca rimashpa jarcaiari— nircacuna. Chashna nijpi, Jesusca: —Caicuna upallajpica, rumicunami caparinman— nirca.