Popular Bible Verses from MATHI 7

Share

“Hiashi, hoba kho kan la kulabü; lamashi, hoba kho kanei haplabü; kuokashi, hoba kho kan la ipbulabü.

Aishanga hibü wekoei hapda, hoba aoei lamda, haoei hapda, hoba aoei kuokeida kho hao la ipbulabü.

“Hibü aoei ong kü ngüh habü ho ditda, hoba jungeida, hao laang thüka chem dangbü songsihon kibü müt phatko kilabü.

“Kanei mütshuong la kan to ai ong kümtimang sühda, kho tegü kaneikei haoen to kümashi; aishanga ho Ngühkhüm si Thuseibü ngühtet ki.

Aishanga langkeishang to leibü bakou aeibou nyonyembei, hoba kho hapbü shuong shijo ong.

“Bakou nyonyembü to atashi; aishanga maushang to leibü bakou ongayasetham, hoba lamnyu yaangbü ki hoba khüto atbü shuong juongnyu.

Khei yingsije, kan amaikokei, kan shousi la jongsak maibü kula ngealonga, khuthüka kibü kaneibü Bouei hao ka hibü shuong la peisilei maibü lai aei akula!

Kan mat ajemlabü lele mü la matjem teku. Aishanga ai matjemei kanei jemlaje, kan mat khei jemlabü; hoba ai takletbüei kanei takletkulaje, kho kan la takletkulabü.

Hobaje aoei ong kü ngüh habü ho ditda hoba ajungeida, hao phetsen thüka chem dangbü asangadobü müt phatko kilabü.

Aila nyi jembü nyek kabü inphou shanga adamenko, kaibü jaisina nyeka thamngu nepbü to chühkuda? Ayingsi nyi kaibü jembü nyek kabü inphou kho ühüpbo kaibü jaisina to, “Ngei kaibü nyek ka thamngu kho apbukho” dogo lai laula thükkei?

“Amlangbü thuseibü shuong, aoyou kan jungto saneibü hele lean louda, lausikei maangaenei sekbülakbü sho ki, haoen shanga maangsangashi. Haoeneibü hekei kanei haoen shenlabü. Mütei jaklong ka semlühhek ayingsi, kamjak ka bhuk kheida si?

Hibü bunyu maibü wekoa buhek maibü hekda; lausikei bun- yu amaibüa buhek amaibü hekda.

Bunyu maibüa buhek amaibü hekla athük, ayingsi bunyu amaibüa buhek maibü hekla athük.

Laobou bunyua ong lang maibü eheklaje kho akan koutida hoba wana jinda.