Popular Bible Verses from Matyu 24

Share

Waf aonai anona nemaf netaga lu'una, na'ama amam nematawa hiesi sokwaha waf anama ukup maimaila enis epes mi'i uwahipis. Ea' emi egafis sembale'efa ae' la'ifis situ seatagama nemaf akutainai, isima anona nemaf God nefa'as setanimani.

Ea' anona nemaf esis si'ipasa basef amama bu'wami Godi ma epes hiesi siowis kingdom heveni. Esis si'ipas ganima etap hiagoma hi'ilagon ama amam nematawa hiesi ganima wambel hiagoma ata' sili' seme'am ea' nemaf akutainai notaga.

Anona nemaf peme' enis sopa' lupulupu' sonda' wandaf ea' enis seme'asa wandaf si'ipipa, ipe' ina umbamehepa, owa'. Amamaga amama anona nemaf meatagai, ea' nemaf akutainai ata' owa'.

Enis epes sape anama etap hiagoma kantri sofela wandaf sopa' soloma anona kantri. Anona dembinai king nehafel no'wa enis wambel hiagoma ananisi sopa' soloma anona dembinai king no'wa ananisi wambel hiagoma. Enis epes wambel hiagoma nolomohas sope, ea' enis wambel hiagoma atona etin etap suwambon nokoto'. Amamaga amama hiami ata' muli' motaga si'i nimanimi mali' matagama nemata'w kwa'i kola awani.

Otaga noloma etap hiagoma anona nemaf hegililam hi'ilam, ea' basef ae'ami ina anona nemaf hi'ilam, owa'etin. Mope la'ela'ef hihif.

Dei' main, amam hiami anona nemaf mifi'i mombaso'mepa mi'i agel ae'anai mi'i, ‘Ae' ma'uwi ae' Krais, God nandandepe nasapa'e afi'i.’ Ea' anona nemaf mombaso'ma amam nematawa hiesi some' basef amamumi si'i endilisimi silam.

Amama motaga ma ea', esis sofa'epa ma sese'epa nimanimi, ea' sehepa pega'. Epes hiesi wambel hiagoma opalef aoma ipe' kwapete' endilisi. Esis sati ipe' paila basef Ae'ami na'ama dei' sahepa. Nemaf anama amam nematawa hiesi sokwaha sombale'efa Dembinai ea' sondawawalapa etin sose'asas sefe'ma naumbih sohas, ea' epes isima ukup aoma enis. Ea' amam profet hiami mambaso'ami motaga mohafel mufi'i mombaso'ma amam nematawa hiesi.

Ea' Jisas nagwamama basef na'i, “Ipe' pindumafuma andeande'. Na'ama enin epen nembaso'mepa.

Ea' ipe' wapoti' naep motawai pepe. Dei' main? Ae' ataga epen endililsiwei iefi'i anona nemaf ipe' ina pegawa pi'i ifi'i ulal nemaf anama, owa'.

Ea' ipe' pindumafuma andeande'. Dei' main, ipe' ina pegawa nambai' Dembinai ipe'inai nifi'i, owa'.

Ae' ataga epen endilisiwei a'ipipa. Owa' enin epen negawa nemaf anama o nogota anama ae' iefi'ianai. Amam ensel mape heven ilifi wapoti' ina mogawana. Ae' nogalomana Godi wapoti' ina egawana, owa'. Ahalome atona nape ilif anan atona negawa nemaf anama. Waf fowa' sanda'ana nogota anama Noa napenai, ea' na'ama etin si'i esis sonda'ana nemaf anama felefele'ma iefi'i etaga etap anae'.

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Ae' ataga epen endilisiwei a'ipipa. Owa' enin epen negawa nemaf anama o nogota anama ae' iefi'ianai. Amam ensel mape heven ilifi wapoti' ina mogawana. Ae' nogalomana Godi wapoti' ina egawana, owa'. Ahalome atona nape ilif anan atona negawa nemaf anama. Waf fowa' sanda'ana nogota anama Noa napenai, ea' na'ama etin si'i esis sonda'ana nemaf anama felefele'ma iefi'i etaga etap anae'. Fowa' gani embel lu'wami ata' owa' motagai, nogota anama esis sape sa' gwa'aimi sa' embel amam nematawa sindikikila'ma sandase'ama etin safe' safe' sataga nemaf anama Noa nafe' nawis sip. Amam nematawa isima ina sagawa nemaf anama, owa'. Esis ukup mase'as sape na'ama etin safe' satagama nemaf anama embel lu'wami mataga mahas muwambu'was saga' hi'alas. Ea' na'ama etina nemaf anama ae' etanima iefi'ianai.