Popular Bible Verses from Matiu 26

Share

Alimiou go tara kap iam bate singo uamiou tere Sunahan. U hiamus u omi e namots buturia i tamilimiou. A man namnamei i tamilimiou e ngilin kato nena a ka teka, kaba a tuenrei milimiou ema tagala nei.”

Ba nonei e poeiena i taren, “A peisar e tiama koru mena a nitaatagi pan. Kaka mia teka ba limiou te kalkalata gono memou lia.”

Ba nonei e gamon lana me tuhalakopo nena turu tsiktsiki me singona, “O Tamar, tego antuna ialö, balö te hatongo kap bane milia a kamits teka te katsin butuna i tar. Kaba alö goma kato uai turu ngil i tar. Alö go markato uu turu ngil i tamölö.”

Taraha, nonei u rahatsing i tar te kato hatagalenou u rangan kits tere Sunahan na te takis bera nou u katuun u parpara bate luba nanou a markato a omi i taren.

Tara pöata ti nouien be Iesu e luena a beret me haniga uana tere Sunahan ba nonei e posepose nen me hala raneien u katunun tsitsilo i tanen. Ba nonei e poeiena, “Lueiam ba limiou te nou miou. Nonei teka u tuenrei i tar.”

Ba nonei e luena a kap uain me haniga uana tere Sunahan me hala ranen. Ba nonei e poeiena, “Alimiou hoboto go ua mia tara kap teka.

Ba nonei e la pouts uana tara topisa katunun tsitsilo i tanen mena sabe ranen ba nori te sohor. Ba nonei e poeiena i taren, “Pua! Alimiou ema antunan kalata gono koru las memi lia tara töa puku a aua?

Na lia e hatei ragou limiou, alia ema tatei ua lele goi romana u uain teka e antunana tara pöata tena ua gono mera goa lia limiou u uain u tsimus tara Nipepeito tere Tamar.”

Be Pita e hakats pouts nena u raranga te hateien e Iesu, “I mamina te kekeretskö noa a keriou alö e holis topisa namou tego atei sil menai lö alia.” Ba nonei e lakasana mena tabe hohomi koru mena a nitaatagi pan koru.

Takei iam, ba ra te lara. Rötoiam, a katuun te haröto nanou lia turu katuun ti korupakö naiou lia e tuku hakapa.”

Ba e Iesu e poeiena i tanen, “Haka poutsi u lahoton hiatatung i tamölö tara makum i tanen. Taraha, a katuun te luena u lahoton hiatatung e atung hamate roi u lahoton hiatatung.