Popular Bible Verses from Hpiˇliˇpiˆ li‸ 4

Share

Aˬ hto‸ ma teˇ ceuˬ awˬ lawn hta‸ maˇ kʼoˆ, taˇ dawˇ hkiˉ. Teˇ ceuˬ le le awˬ hkʼaw lo nawˬ hui bon lawˬ ve, lawˬ hkawˉ ve leh chiˇ mvuh ve awˬ hkʼaw lo, nawˬ hui hkʼa lawˬ gaˇ ve teˇ hpaˍ Gʼuiˬsha hta‸ hto piˇ-oˆ.

Oˇ hkʼe te ve kʼo, Gʼuiˬsha lo laˬ ve, chaw yaˇ hui ca dawˇ maˇ gaˬ ve dawˇ sha gaˇ sha ve teˇ ceuˬ lehˬ, nawˬ hui ve nyi ma leh nawˬ hui ve dawˇ hkʼaˇ teˇ hpaˍ hta‸ Yeˍsuˆ Hkri‸ awˬ hkʼaw lo ha‸ shaˉ laˇ tuˬ yoˬ.

Awˬ viˉ awˬ nyi teˇ hpaˍ-oˬ, awˬ leh meuˇ ve tawˇ teˇ hkawˇ lehˬ chi hkʼe yoˬ. Hteˇ ve awˬ ceuˬ hkʼa peu-eˬ, yawˆ yan keunˍ ve awˬ ceuˬ hkʼa peu-eˬ, cawˇ ve awˬ ceuˬ hkʼa peu-eˬ, da‸ ve kehˬ ve awˬ ceuˬ hkʼa peu-eˬ, nyi sha ve awˬ ceuˬ hkʼa peu-eˬ leh, shu ve awˬ lawn da‸ ve awˬ ceuˬ gʼa kaˇ ve hkʼa peu-eˬ, oˇ ve teˇ hpaˍ awˬ hkʼaw lo da‸ jaˇ ve awˬ ceuˬ teˇ ceuˬ ceuˬ, chiˇ mvuh keunˍ ve awˬ ceuˬ teˇ ceuˬ ceuˬ cawˬ ve kʼo, awˬ lawn oˇ ve teˇ hpaˍ hta‸ dawˇ nyi-o.

Ngaˬ hta‸ awˬ gʼaˇ awˬ shaˉ pe‸ laˇ shehˍ hpaˇ hta‸ cuˇ ve awˬ hkʼaw lo, hkʼa peu-eˬ hta‸ ngaˬ te puiˉ te hpeh‸ ve yoˬ.

Jawˇmawˇ Yeˍsuˆ awˬ hkʼaw lo hkʼaˬ htaˆ ka‸ ha lehˬ chehˇ-oˆ. Ngaˬ teˇ pawˆ kʼaw‸ kʼoˆ laˇ ve, ha lehˬ chehˇ-oˆ.

Ngaˬ ve Gʼuiˬsha lehˬ awˬ me‸ awˬ hponˇ uiˍ jaˇ maˇ jaˇ ve awˬ hkʼaw lo, nawˬ hui hkʼa loˍ ve hkʼa peu-eˬ Yeˍsuˆ Hkri‸ hta‸ cuˇ leh, nawˬ hui hta‸ hkʼa biˇ pe‸ laˇ tuˬ yoˬ.

Ngaˬ geh nawˬ hui gʼa henˇ gʼa ha‸ yuˬ leh, gʼa kaˇ gʼa mawˬ peuˬ ve awˬ ceuˬ teˇ hpaˍ hta‸ te-o. Oˇ hkʼe te ve kʼo, dawˇ sha piˇ shehˍ hpaˇ Gʼuiˬsha lehˬ, nawˬ hui geh chehˇ tuˬ yoˬ.

Nawˬ hui nyi ma da‸ ve chaw hpeh‸ ve yoˬ teh‸ chaw hkʼa peu-eˬ shiˍ hpeh‸ tuˬ, shaˍ ti‸ taˍ-o‸. Jawˇmawˇ Yeˍsuˆ gaˬ la paˇ neˇ ve yoˬ.

Haˍ gʼawˇ jaˇ ve hta‸ maˇ kʼoˆ, paw sha jaˇ ve hta‸ maˇ kʼoˆ, ngaˬ hkanˍ puiˉ la peuˬ. Caˇ bvuhˆ dawˬ bvuhˆ ve maˇ kʼoˆ, meu‸ ve kaˆ ve maˇ kʼoˆ, paw sha ve maˇ kʼoˆ, haˍ gʼawˇ ve maˇ kʼoˆ, chi teˇ hpaˍ hta‸ hkʼaˬ hkʼe te hkanˍ tuˬ, teˇ ceuˬ le le awˬ hkʼaw lo ngaˬ shiˍ la peuˬ.

Ngaˬ chi hkʼe kʼoˆ ve lehˬ, ngaˬ loˍ ve awˬ ceuˬ cawˬ leh kʼoˆ ve teˇ ceuˬ maˇ heˆ. Ngaˬ hkʼaˬ hkʼe gʼa hpuˇ da‸ ve htawˇ, oˇ ve awˬ hkʼaw lo nyi hkʼaˇ suh tuˬ ngaˬ shiˍ la peuˬ.