Popular Bible Verses from Baloma 8

Share

Ulimwi tulizhi ati mu shintu shoonse Leza ulasebezela bubotu bwa babo bamufwini, nkukuti babo mbaaketa mu makanze akwe.

Nkaambo ndishinizhe kwaamba ati, kwiina cintu, niluba lufwu, nibuba bumi, nibaba baanjelo, nibaba bashikulela, nishiba shintu shaano mazuba, nishiba shiciza, nishiba insana, shikonzha kutwaandaanya u lufwuno lwa Leza. Nishiba shintu sha mu moza, nishiba sha anshi nshitutateelelesha, nishiba shilenge shili buti shoonse, kwiina cintu niciba comwi cikonzha kutwaandaanya ku lufwuno lwa Leza ndutukwete mwa Kilisito Jeso Mwami wesu.

Mbubona bobo Moza ulatuyohwa mubulengushi bwesu, nkaambo tatucizhi umbutweelele kukomba, pele Moza ungamukamwini ulatukombela u mukooloma kutakonzha kwaambwa mu mazwi.

Inzho anu twaambe buti ku makani aza? Na Leza uli aswe, no nguni uukonzha kutulwisha?

Ubobo, inzho kwiina kuzulwa kuli babo bali mwa Jeso Kilisito.

Nkaambo kubika matelaishi ku mubili ndufwu, pele kubika matelaishi ku Moza mbumi u luumuno.

Pele mu shintu sheshi shoonse, tuli bazundi babaala kwiita mwa Kilisito wakatufwuna.

Nkaambo ndatelaika ati, aza mapenzhi ngutukwete ninzho, taakonzha kweelezhewa u bulemu bwa Leza bobo bukaazubululwa kuli uswe.

No nguni ukonzha kutwaandaanya ku lufwuno lwa Kilisito? Sa mapenzhi naa makatazho, ambweni nkupenzhewa, na inzala, na mbupushi, nishiba shitizha, nikuba kuyayiwa?

Ubobo Leza uuzhi shili mu myonzo ya bantu, uliizhi kale mizeezo mbwiibele, nkaambo Moza ulabakombela bana musalazhi mu luzando lwa Leza.

Kaambo boonse ubasololelwa u Moza wa Leza, baba mbanakwe Leza.

Nkaambo babo beendela mu mubili, balatelaika sha mubili. Pele babo beenda mu Moza balatelaika sha Moza.

Wezo watakasha mwanakwe mwini, pele wakamwaaba ukaambo kesu toonse, no ulakonzha buti kukacilwa kutupa shintu shoonse antoomwi u mwanakwe?

Nguwena Moza wezo ulapa bukamboni kumyonzo yesu kwaamba ati tuli banakwe Leza. Na kuti tuli banakwe Leza, nkukuti tuli bashilukono, bashilukono lwa Leza, bashilukono antoomwi u Kilisito. Kufwumbwa kuti na tulapenga antoomwi u Kilisito, ati tulakatambula bulemu antoomwi u Kilisito.

Ubobo matelaishi a ku mubili ngu shinkondonina u Leza, nkaambo taalimfwiinsha ku mulawo wa Leza, nkaambo taankonzha.

Nkaambo abo bulenje bulisukamine bulalanjila kuzubululwa kwa banakwe Leza.

Nkaambo tulizhi ati kushicila ku ciindi ceno, shilenge shoonse shilapenga u kusata malwazhi ukoya mukaintu uuli mu mishika yakutumbuka.