Popular Bible Verses from PƏ̃Ə ZA ISRAEL 7

Share

So Dǝɓlii faa nyi Mosus: Mo ẽe ɗǝ, me joŋ mo na Masǝŋ wo Farao, naa ma ɓo Aron ga yea na profeto ɓo.

Amma me ga yer zahzyil Farao, me ga joŋ dǝǝbǝǝri ne yeɓ matǝ gǝriŋ ah tǝ sǝr Egiɓ pǝlli. Amma Farao ka laa ɓǝ ɓiir a, so me ga ŋgoŋ kiita magaɓ tǝ sǝr Egiɓ, me ga pǝ̃ǝ ne kul za ɓe gin gŋ.

Egiɓien ga tǝra, ame ye Dǝɓlii ne cok me ɓaŋ jol ɓe tǝ sǝr Egiɓ ka pǝ̃ǝ ne za Israel gin kǝsyil ɓǝǝra.

So Farao ɗii za fatan ne za syiŋrĩ, ara ye za joŋ yiila sǝr Egiɓ, so joŋra dǝǝbǝǝri ma ɓǝǝ laŋ nai ta. Ɓaara kǝndaŋ ɓǝǝ ge sǝŋ, so ciŋra soo. Amma kǝndaŋ Aron sǝ̃ǝ kǝndaŋ ma ɓǝǝra.

Masǝŋ faa sye: Ne mai mo ga tǝ, ame ye Dǝɓlii, me ga i bii Nil ne kǝndaŋ ma mor jol ɓe, a ga ciŋ syimmi.

Farao mo faa nyi we, we joŋ dǝǝbǝǝri ɓe, ka mo faa nyi Aron: Mo ɓaŋ kǝndaŋ ɓo, mo ɓoo ge pel Farao, a ga ciŋ soo. So Mosus ne Aron gera wo Farao, joŋra tǝgbana mai Dǝɓlii mo faa nyi ra. Aron ɓoo kǝndaŋ ah ge pel Farao ne pel za yeɓ ah ra, kǝndaŋ ah ciŋ soo.