Popular Bible Verses from 1 Tim 6

Share

Vʋ pɔɔtɛtɛ 'la tananʋa ɩya ‑n ka jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ 'la gbʋa Laagɔ lɔɔ 'lɛ na 'lɩ. Ɩmɩ ‑naa ‑n cibhlili 'lɛ, clɩɩa 'kʋa ‑n ŋonu 'lɛ ‑danʋfʋɛcɩ ‑bhutukpa 'ci 'kʋ na.

Sa 'kwlɩbhɩɛa 'fɩan 'la ‑sukpluu ‑glɩ 'lɛ 'dala 'la ‑walʋ. ‑Anʋa yaa ‑gbɔɔn wabha, ɩ ya gba na, ma ya Laagɔ cɩ da tlʋbhalɩ 'nyɩ maa 'titi ya macɩ 'kwlɩbhɩɛ ‑bhutukpa 'nyɩnɩ.

‑Zaagbʋsa Laagɔ 'la gɩlɩlɩɛa ‑glɩ 'bhɛlɩ 'kadɩ, ɩ ‑ka ‑kʋ lebhe lʋʋa nclɔɔ ‑ka 'lɛ na, ʋ 'kɔɔ pɔlɛɛn bhlili na.

Sa ‑a 'ta lʋʋ bhlogbɩɩ ‑laagɔzɔan ‑lamʋ 'nyɩ ‑a cɩ 'ta 'la lʋʋ ‑ylɛylɛ famʋlɩɛ mino.

Solu maa ‑ɔ ‑lio 'lɛ ‑laagɔzɔn ‑naa 'la 'bhɛlɩa na, le ma 'la lia ‑tutule. 'Cla maa lebhe ma 'la zʋa mala pɔlɛkʋtɛlɔa 'bhɛlɩɩ ‑naa ‑ɩ cɩ 'ka 'lɛ 'plɩ na 'kʋ. ‑Ma ma zʋʋ Laagɔ, ‑ɔ 'nyɩ 'lɛ ‑anyɩ lɩɩa ‑tɛtɛa nikadieen le ɩ 'ka ‑ala pɔlɛkʋmɛnɔ ɩya ‑ala 'nanɩ 'plɩ na.

‑Ma maa ‑ɔ ‑wa 'lɛ lebhe, ‑ɔ ka 'bhɛlɩ li na, ka ma bhlili gbɩɩnclalɩɛɛn, ‑badaaglunʋnʋgbɩ ɩya wɔɔgugwie ‑nyinye ‑bhutukpaa ‑ɩ gba 'lɛ 'nyɩ ncɛlɩ mlɔ 'lɛ 'nyɩ ma gbɩɔ 'lɛ na nɩkplaan.

'Cla ‑awlɛ maa lebhe ma nʋ 'nanɩ, ɩya nʋnʋgbɩ 'nanɩ 'plɩ mala 'bhɛlɩ, ma 'nyɩnɩ pɔlɛ bhlo ɩya ma wabha polilie. Ma ka ‑sa nʋ na, ma cɩ 'ka 'bhɛlɩa 'titia ‑ɩ cɩ ‑ka 'lɛ gba ɩya ma 'ka 'lɛ 'nanɩ kʋ na li ɩya ma 'ka jabhʋa 'titi 'lɩ.