Popular Bible Verses from 1 Tim 1

Share

'Lɩka wɔɔnyɩtʋa ‑ʋ ‑ŋwa 'lɛ 'kʋ le ma 'tɛbhalɩ ‑deli 'kʋ ɩya ncɛlɩa 'fɩan la ‑nʋawlɛ na. Zozi Klisi ya ‑laagɔzɔan ci le ɔ 'ka nyinyinʋnyaa gbʋʋnsa. N ‑glɩ maa 'fɩan sidiin 'la ‑bɛkanaanɔ.

'Nyɩ Laagɔ ‑kaan ŋaazɩɩn 'lɩ na, ka ɩ 'plɩ 'lɛ sɛɛ lebhe Zozi Klisi 'kaan 'kʋ 'plɩlɩ, ‑amʋ nyinyinʋnyaa ‑tɛtɛa 'la ‑bɛka -naanɔa ɩya ɔ 'ka ɔla gbadalɩɛa 'fɩan pala, ɩya maa 'fɩan ‑ɔ -cɩ kɔɔ 'lɛ mala pɔɔtɛtɛa 'kʋ zʋ na, 'kaan dɩbalɩ, jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'la gbʋ.

Na, ɩmɩa n 'matɩ 'lɛ na, ɩmɩ ‑ɩ ‑glɩ 'lɛ lebhe ncɛlɩ kalɩ ‑walʋa ‑ʋ 'wlʋlʋ 'lɛ pɔlɛa ‑ɛ ‑kplɔ 'lɛ na 'ciin, ‑ʋ 'wlʋlʋ 'lɛ wɔɔgugwɩe 'nanɛ ɩya ‑nʋawlɛpɔɔtɛtɛ nɩkplaan na.

'Lʋkʋlʋkʋa Nyɩbhɛlʋa, Laagɔ, ‑ɔ 'ku ta 'lɛ 'pʋpʋkʋ, maa 'lɩ 'ta 'lɛ 'ciin 'nyɩ ‑ɔ ‑glɩ 'lɛ bhlo na, 'naa 'klʋnyɩlɩɛ ɩya 'klʋagba ŋenio 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.

Na, ‑a 'nu ɩmɩ ‑naa 'nanɩ. ‑Jlɩmaa 'ta 'dɛ 'kʋnylugolunyɔ 'la gbʋ ‑kʋ, ‑ma a ‑kʋ 'dɛ maa ‑ɔ zʋ 'ta 'lɛ ‑jlɩmaa ‑ylɛylɛ ɩya maa ‑ɔ 'ta 'lɛ 'nyiyilie ‑ka na, mala gbʋ. A ‑kʋ 'dɛ maa ‑ɔ gʋgwla 'ta 'lɛ Laagɔ na ɩya nyinyinʋya 'la gbʋ. A ‑kʋ 'dɛ maa ‑ɔla 'nyiyi 'ta 'lɛ Laagɔ ɩya ‑kplɔkplɔlʋʋ ‑ylɛylɛ na 'la gbʋ. A ‑kʋ 'dɛ maa ‑ɔ bhla 'lɛ ma 'nɔcɩ ɩya ma tocɩ na 'la gbʋ. A ‑kʋ 'dɛ ncaabhlanyaa ‑tɛtɛa, ‑badaaglunya, ŋodiea maa bhlobhlo mʋ 'lɛ ‑gbiti 'kʋ, geyepɛlʋzʋnya, yodizʋnya, ‑kplakpladanʋfʋɛlinya ɩya maa 'fɩan ‑ɔ mʋnʋ 'lɛ cacawɔlɩa ‑ɩ ‑gɩlɩɔ 'lɛ 'ciin na gbatlɩ na, mala gbʋ.