Popular Bible Verses from Maheberu 4

Share

Linzwi la Mulimu la pila, mi li maata. Li buhali ku fita sabule ye lozizwe kafa ni kafa. Li punya ku y'o fita fo ku kopanela moya ni pilu, ko ku swalani malukuluhelo ni mooko. Li atula litakazo ni minahano ye mwa pilu ya mutu.

A lu suteleleñi, ka sepo ye tezi, kwa lubona lwa Mulimu ili lwa sishemo. Kwateñi lu utwelwe butuku, lu shemubiwe, mi lu tusiwe ha lu li mwa butata.

Muprisita yo Muhulu wa luna h'a palelwi ku lu shwela makeke mwa bufokoli bwa luna. Kwand'a cwalo a swana luna, mi u likilwe mwa lika kaufela, kono h'a si ka eza sibi.

Ha ku na s'a ka patelwa Mulimu. Lika kaufela li fa patalaza, li kwahuluzwi. Wa li bona, mi ki ku yena ko lu swanezi ku y'o ikalabela.

Cwale a lu kumaleleñi mwa tumelo ye lu lumezi ku yona, kakuli lu na ni Muprisita yo Mutuna, yo muhulu, ya il'o fita kwa lihalimu ku Mulimu, yena Jesu Mwan'a Mulimu.

A lu likeñi, ka mo lu konela kaufela, ku y'o kena mwa pumulo yeo. Ku si ke kwa ba ni ya ka palelwa sina ba ba ne ba li mwa lihalaupa, ha ba palelwa ku kena kabakala mañaña a bona.