Popular Bible Verses from Maheberu 13

Share

Mu ipuluke kwa ku lata hahulu mali, mi mu itumele ka se mu na ni sona, kakuli Mulimu u ize, “Ha ni na ku ku siya ni kamuta. Ha ni na ku ku tuhela.”

Sina mw'a n'a inezi maabani, Jesu Kreste u sa li cwalo ni kacenu, mi u ta ba cwalo kuya kuile.

Hakulicwalo, lu kona ku bulela ka sepo, “Mulena ki mutusi wa ka. Ha ni na ku saba! S'a ta ni eza mutu ki sika mañi?”

Mu si ke mwa libala ku eza ze nde, ni ku tusana mwahal'a mina, kakuli zeo ki zona litabelo ze tabisa Mulimu.

Ka nako ni nako lu lumbe Mulimu. Litumbo za luna li be inge sitabelo sa luna, ka Jesu, kikuli lu lumbeke nako kaufela libizo la hae ka milomo ya luna.

Linyalo li kutekiwe ki batu kaufela, mi banna ni basali ba sepahale yo muñwi ku yo muñwi, kakuli Mulimu u ta atula mahule ni babuki.

Mu hupule ku amuhela baenyi mwa mandu a mina. Ku na ni ba ba ezize cwalo, mi ba amuhezi mangeloi ba sa zibi.

Mulimu u zusize kwa bafu Mulen'a luna Jesu, ya li Mulisana yo Mutuna wa lingu kabakala lifu la hae leo ka lona u tiisize bulikani bo bu sa feli. Cwale yena Mulimu wa kozo, a mi fe ze nde ze mu tokwa kaufela kuli mu kone ku eza se si latwa ki yena. Ka Jesu Kreste a ikezeze ku luna ze mu tabisa. Kanya i iswe ku Kreste kuya kuile! Amen.