Popular Bible Verses from Hagai 2

Share

‘Tempele ye nca i ka kateleha hahulu ku fita ya kale,’ ku bulela Muñ'a Bupilo ya Maata Kaufela. Mo mwa Jerusalema ni ka fa batu ba ka bupilo bo bunde ni kozo,’ ku bulela Muñ'a Bupilo ya Maata Kaufela.

Ni ka shandaula macaba kamukana, bufumu bwa ona bu ka tiswa kwanu, mi Tempele i ka tala kanya.

Kono cwale u si ke wa zwafa, Zerubabele!” ku bulela Muñ'a Bupilo. “U si ke wa zwafa, muprisita yo muhulu Joshua mwan'a Jozadaki. Mu si ke mwa zwafa, batu kaufela ba naha, kakuli ni na ni mina,” ku bulela Muñ'a Bupilo.

Ha mu zwa mwa Egepita, ni mi sepisize ka luci kuli ni ka ba ni mina nako kaufela. Ni sa na ni mina. Cwalehe, mu si ke mwa saba.