Popular Bible Verses from Huan 16

Share

Mi a bisa boso tur e kosnan akí pa boso tin pas den Mi. Na mundu boso lo pasa den tribulashon; ma tuma kurashi, Ami a derotá mundu!’

Ma ora e Spiritu di bèrdat bini, lo E guia boso na bèrdat kompleto i konta boso tokante kos ku ta bai pasa. Pasobra loke E bisa no ta sali di E mes, ma E ta papia tur loke E tende.

Te ainda boso no a pidi nada den mi nòmber; pidi i boso lo haña, ya asina boso legria lo ta kompleto.

Ma Mi ta sigurá boso: ta kumbiní boso ku Mi ta bai, pasobra si Mi no bai, Esun ku ta yuda boso no ta bini serka boso. Ora Mi bai, Mi ta mand'É pa boso. Ora E bini, lo e konvensé e hendenan di mundu di kiko ta piká, hustisia i huisio.

Meskos asina boso tambe ta pasa un tempu difísil awor akí, ma lo Mi bolbe mira boso i boso kurason lo yena ku alegria, un alegria ku niun hende no por kita for di boso. E dia ei boso lo no pidi Mi niun splikashon mas. Mi ta sigurá boso: Tata lo duna boso kiko ku boso pidiÉ den mi nòmber.

Mi ta sigurá boso: boso lo lamentá den un mundu ku lo gosa. Ma ounke boso lo ta tristu, boso tristesa lo kambia den legria.