Popular Bible Verses from Galatiya ma 5

Share

Amma kaŋ kerra ge O̰yom ne a: laar wanna, laar saal, katɗa halas, wan ta, kwa ta a̰se, ke ta kwaɗa, hon fareba, suul, wan ta ndiŋ. Eya ho̰l ne kaŋ mbe ma no to.

Mbi jan go: Ke me mborra O̰yom zi, go no aŋ mbo ke laar ɓyareya ge sḛ duur ne to bat.

Kadɗa nee ka ne ndwara ya O̰yom zi, ke me nee mborra O̰yom zi me.

Amma nama ge ne Kris Jeso zi ma, a pel ene ge sḛ duur ne ma ne na laar ɓyareya ma ya uwara kaŋgre pal.

Kaŋ kerra ge sḛ duur ne ma kwaya̰l go waŋ: Fi ne ta, seŋgre kerra, voɗom, sḭḭm kerra ma, jam ameya ma, kwane ta ma, gool ma, yil ma, pore juliliya ma, gaage ma, varseya ma, caɗe ta ma, ene ma, jiya̰l fereya ma, ne vḛso kerra ge bataraŋ ma, ne kaŋ kerra ge ɗogle ge dimma ne nama mbe ma no go ma. Mbi waage aŋ, dimma ne mbi dḛ ne jya̰ aŋ na go, naa ge a ne ke kaŋ mbe ma no, a mbo zam muluk ge Dok ne joo to bat.

Aŋ ɗe, ná vya ma, a tó aŋ ya go aŋ ka suli, amma na kaage suli ge aŋ ne na ka viya̰ ge aŋ ba gá mborra duur pal to. Amma laar wanna zi, ke me ta temel.

Ago laar ɓyareya ge sḛ duur ne a ho̰l ne ge O̰yom ne, ge O̰yom ne ho̰l ne ge sḛ duur ne me. A é aŋ ke kaŋ ma ge aŋ ne ɓyare ke na to.

Ago Eya ma mwaɗak a vwa ya fare janna mbe no zi: «Mo laar wa̰ mo kon dimma ne mo sḛ go.»

Uware me nee ta to, ɓyare me nee ta fare to, ke me nee ta yil to.

A ndwara go nee ka suli, Kris há nee suli no. Wa̰ me ta mḛya ndiŋ, na kaage aŋ gwan wat mo̰r zi to.