Popular Bible Verses from Lu'g 3

Share

Ta'n tujiw ms't mimajuinu'g ta'n jigs'tua'tipnn Sa'nal gi's sign'tujig, Se'sus pegising aq sign'tuaten. Ge's Se'sus etl a'sutmat na'te'l, wa'so'q pana's'g. Wejuli Nisgam el nisiet Se'susal un'jig. Na teliangamgusit st'ge' ples. Nat wen weji glusit wa'so'q. Teluet, “Gi'l na ngwis. Mawi gsalg aq mawi ul'te'lmul.”

Na tujiw Sa'n telimaji, “Sign'tuloq samqwanigtug gatu wejgu'et negm ta'n me' espe'g aq ni'n. Mu tepawtiw je we'gaw apgwa'tuan umugsnapi'l. Ta'n tujiw sign'tugsitoqs'p na e'wtew pugtew aq ignmugsitesnu Wejuli Nisgaml.

Tlo'ltigw aq tla'taqatigw ta'n goqwei neia'tuanew igtigig gawasgita'sultioq aq ejiglita'ioq lue'utigtug. Tluetoqs'p wetapegsultioq Aplameg gatu telimuloq, Gjinisgam gis ugsua'toqol wegla gun'tal aq gisa'tutal mimajuinualanew ta'n wetapegsultiliji Aplameg.

Gilew pa wijei aq miti's ta'n mo wel minigw aq Gjinisgam gisgaje'g ilsumugsinew nige'. Iga'taqewinu gisgaje'g tmta'n miti'sl ta'n mu wel mininugul gigjiw gjip'sgigtug aq nu'gwa'lan. Gjinisgam ilsumatal te'silitl mimajuinu'l ta'n pata'tegelitl st'ge' na iga'taqewinu getu' tla'laji miti'sg.”

Na niganigjitegewinuaq teluisipnaq Aiseia wesgumapnn Sa'nal ta'n gis wi'g'g'pnn ula, “Nat wen gesigawewistoq paqtaqamigtug. Teluet, ‘Gisiteget wejgu'et. Ms't ta'n te'sioq gisgajo'ltigw ugjit negm. Gisgaja'tug gelu'lg awti ta'n lien. Ltug tegpaqteg awti ugjit negm. Ta'n te's'gl walqwamigegl amujpa na wajua'tmgl. Ta'n te's'gl soqoqamigegl amujpa na gesaqqamigegl. Na waqjutaqtegl awti'l amujpa na siwnoqqwa'tas'gl. Na winjigl awtijl amujpa na ilugwa'tas'gl aq pitgma'tas'gl. Na tujiw ms't mimajuinu'g nmia'tital na Nujiugs'tawi'welitl ta'n Gjinisgam petgimatal.’ ”