Popular Bible Verses from Tıtus 1

Share

Nǫ̀htsı̨ k'èts'eezǫ gedı hanìkò dànì k'ehogeɂa ghàà gık'èezǫ-le hǫt'e. Sıì negezı̨-le, ek'èagı̨ı̨t'e-le, eyıt'à t'asìı nezı̨ı̨ hogehtsı̨ ha dìì.

Amìı gıdzeè degaı lanıı sìı t'asìı hazǫǫ̀ gıgha degaı hǫt'e. Hanìkò amìı gınìłı̨ı̨ xè gıgha ehkw'ı-ahodı-le sìı t'asìı hazǫǫ̀ gıgha hołı̨ı̨ hǫt'e. Ededzeè eyıts'ǫ edınì t'à hołı̨ı̨ nàowoò zǫ gı̨ı̨wǫ.

Dànì hoghàweètǫ k'ę̀ę̀ godı ehkw'ıı sìı hòtł'ò yııtǫ̀ ha hǫt'e. Hanì-ı̨dè, nàowo ehkw'ıı k'èhoezǫ t'à dǫ gınì nàtsoò ayele ha dìì-le eyıts'ǫ dǫ gıgha ehkw'ı-ahodı-le sìı k'èch'a gode ha dìì-le.

K'àowo elı̨ı̨ sìı Nǫ̀htsı̨ wılaà weghǫ̀t'ǫ ne t'à, t'asìı wejıı wı̨ı̨zìı hohtsı̨ ha-le. Wekwì nàtso xè xàhodì ha-le, yeèhdee-dǫǫ̀ elı̨ ha-le, wınì nàìtło xè wenàhǫǫht'è ha-le, eyıts'ǫ hots'ì t'à t'asìı ghǫ edì ha-le. Hanìkò wekǫ̀ dǫ gha enìxànı̨ı̨tǫ ayį̀į̀hwhǫ ha, ayìı nezı̨ı̨ sìı ghǫneètǫ ha, nàowołı̨ı̨ ch'à edek'èdì ha, ehkw'ı eda xè degaı lanì ha, eyıts'ǫ nàowo nezı̨ı̨ k'ę̀ę̀ edek'èdì ha hǫt'e.

Dǫ Nǫ̀htsı̨ wecheekeè gha k'àowo elı̨ı̨ sìı t'asìı wejıı wı̨ı̨zìı hohtsı̨ ha nıìle. Ts'èko ı̨łè zǫ wets'ǫ ha, eyıts'ǫ weza sı gıgha ehkw'ı-ahodı ha, sìgoèt'ı̨ı̨ zǫ gı̨ı̨wǫ ha-le eyı xè gık'èı̨t'e ha hǫt'e.