Popular Bible Verses from Hebrew 4

Share

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.

Eyıt'à edèdats'eedı-le xè Nǫ̀htsı̨ wesǫnıwǫ wehòhɂǫǫ sìı wenadąą̀ nèts'ııdè, hanì-ı̨dè etegoèhɂı̨ ha eyıts'ǫ gogha hoìla ajà nı̨dè gots'ǫ̀ sǫnıwǫ t'à gots'àdı ha.

Gogha yahtıı-wet'àaɂàa-deè elı̨ı̨ sìı dànì nàts'etso-le t'à dǫ ts'ı̨ı̨lı̨ı̨ sìı yek'èezǫ hǫt'e. Goxèht'eè t'asìı hazǫǫ̀ t'à weèdzà ı̨lè hǫt'e, hanìkò hołı̨ı̨ wı̨ı̨zìı wek'e wheɂǫ-le.

T'asìı hazǫǫ̀ hòèlı̨ı̨ sìı ı̨łè kò Nǫ̀htsı̨ wenaàhtǫ wheɂǫ nıìle. T'asìı hazǫǫ̀ wegha ts'ǫwhela xè wenadąą̀ wègaat'ı̨, eyıts'ǫ t'asìı hazǫǫ̀ k'èxa gosınìyaehtı ha hǫt'e.

Zezì Nǫ̀htsı̨ Weza gogha yahtıı-wet'àaɂàa-deè elı̨ı̨ sìı yak'e Nǫ̀htsı̨ nadąą̀ eghàlaı̨dàa sìı hòtł'ò gogha ehkw'ı-ahodıı ts'edı nı̨dè Zezì wexè ats'et'ı̨ hǫt'e.

Eyıt'à Nǫ̀htsı̨ xè ts'èwhı̨į̀ hòɂǫǫ k'è hots'eɂį̀ ha nı̨dè hòtł'ò eghàlats'eeda ha hǫt'e, hanì-ı̨dè gocho dànì Nǫ̀htsı̨ k'èagı̨ı̨t'e-le k'ę̀ę̀ gogha hoìla ha-le.