Popular Bible Verses from Hebrew 1

Share

Nǫ̀htsı̨ Weza sìı dànì Nǫ̀htsı̨ wexè saı̨dı̨ı̨ sìı yexèht'eè wexè saı̨dı̨ hǫt'e. Nǫ̀htsı̨ dànì wègaat'ı̨ı̨ sìı Weza hotıì yexèht'eè wègaat'ı̨ hǫt'e, weyatıì nàtso t'à t'asìı hazǫǫ̀ edaà ayį̀į̀hwhǫ. Dǫ gha ełaı̨wo t'à gıhołı̨į̀ gıghǫ nahoazha ayį̀į̀là tł'axǫǫ̀, ı̨dòo yak'e Nǫ̀htsı̨ t'asìı wegha dìì-le sìı gà nàgòts'ehnèe wheda.

Įnę̀ę sìı Nǫ̀htsı̨ nakwenàoɂǫǫ t'à gǫtłǫǫ̀ gocho gots'ǫ̀ goı̨de ı̨lè, eyıts'ǫ t'asìı łǫ xàɂaa t'à gots'ǫ̀ goı̨de ı̨lè, hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

Yak'eet'ı̨į̀ hazǫǫ̀ ı̨nì agı̨ı̨t'e, dǫ edaxàgeedè ha sìı gots'àgedı gha Nǫ̀htsı̨ goı̨hɂà agı̨ı̨t'e.

Eyıts'ǫ Nǫ̀htsı̨ dıı hadı, “Gots'ǫ̀ K'àowo t'akwełǫ̀ǫ̀ kèhoį̀wo ekò dıı dèè whenehtsı̨ eyıts'ǫ nılà t'à yat'a whenehtsı̨ hǫt'e. Nǫǫde nı̨dè eyı hazǫǫ̀ whìle agode ha, hanìkò nı̨ sìı t'aats'ǫǫ̀ nexè hòɂǫ ha. T'asìı hazǫǫ̀ hòèlı̨ı̨ sìı goht'ǫts'ıa lade ha.