Popular Bible Verses from 1 Tımothy 4

Share

Cheko anet'e t'à dǫ negı̨ı̨hwhǫ-le kò gıts'ǫnıɂà-le, hanìkò ı̨łaà dǫ nezı̨ı̨ k'ę̀ę̀ ı̨da. Eyıt'à dàı̨dıì goı̨dee, dànì k'ehoı̨ɂaa, dànì dǫ ghǫneę̀tǫǫ, dànì negha ehkw'ı-ahodıı xè degaı k'ę̀ę̀ ı̨da nı̨dè, dǫ nexègeɂı̨ ha dìì-le hǫt'e.

Gozhį̀į̀ hòtł'ò eghàlaeda ats'ehɂı̨ı̨ sìı yaazea zǫ wet'àaɂà, ekò Nǫ̀htsı̨ wınì k'ę̀ę̀ ts'eedaa sìı t'asìı hazǫǫ̀ gha wet'àaɂà hǫt'e, dıì ts'eedaa gha eyıts'ǫ ı̨daà ts'eeda gha Nǫ̀htsı̨ edeyatıì goghàı̨ɂǫ ne t'à.

Eyıt'à dànì ı̨daa eyıts'ǫ ayìı dǫ hoghàı̨htǫǫ sìı t'à hotıì edexonehdı. Nàowo ehkw'ıı t'aats'ǫǫ̀ netǫ̀. Hanì ı̨da nı̨dè edaxàdı̨ı̨tè ha, eyıts'ǫ dǫ negeèhkw'ǫǫ sı edaxàgı̨ı̨le ha.

Yedàyeh Nezı̨ı̨ hotıì dıı hadı: Nǫǫde dzęę̀ ts'ǫ̀ hawe nı̨dè dǫ mǫ̀hdaa yatı ehkw'ıı sìı wedę agele ha. Įnì eghǫyaeɂàa sìı k'èagı̨ı̨t'e ha, eyıts'ǫ ı̨nìłı̨ı̨ nàowoò k'ę̀ę̀ geeda ha.

Godı wet'àaɂà-le, eyıts'ǫ godı Nǫ̀htsı̨ ts'ǫ nıìle sìı wedę anele, hanìkò Nǫ̀htsı̨ wınì k'ę̀ę̀ ı̨da gha hòtł'ò eghàlaı̨da.

Nets'ǫ̀ nèehtła gots'ǫ̀, nınì nàtso xè gıts'ǫ̀ Nǫ̀htsı̨ Nı̨htł'è k'eyaąhtı, wet'à gıts'ǫ̀ goı̨de, eyıts'ǫ wet'à hoghàgı̨ı̨htǫ.