Popular Bible Verses from APOKALIPSIS 5

Share

Inime'e, bemela bwiikim bwiikan: Empo au lutu'uriak, jume' liprom em am nu'uka intok jume' nat bepa, ammea am suma'im, am chukta betchi'bo. Bwe'ituk empo jiokot ya'atuk, intok empo junuen me'etuka ojbota wo'otakai. Junae, achai Liojta itom yoemiane' betchi'bo itom a' tu'u ya'ariak. Si'ime yoemrata nasuku, ka nanau maisi machik nokame, aniat yeu tajtia jiapsame betana itom jinne'ula'e.

Intok juname'e, unnaa kusisi inen jiian: Ju'u Bwala, me'etukame, si'imek bepa eiyaawatchisi maachik, Intok a' nesaunee'u, suawa intok ju'u si'imeku a' yuma'anee'u, Intok ju'u, si'imem betana a' eiyaanaa'u, Intok yo'oriwaka a' eiyaanaa'u, aapo'iku lutu'uria, ti jiian.

Intok empo, achai Liojta betana, tekilta itom a' ya'ane' betchi'bo, Itom yo'o ya'ari, intok yoemrata itom nokriane' betchi'bo. Intok itepo, Jesukrijtotamak inim yoemratau yo'otune.

Intok ketchia, si'imeta jiapsaka, Liojta ju'unaktei ne jikkajak, teekapo jiapsame, inim bwiapo intok inia bwiata betuk jiapsame, intok jume' bawepo intok junama'a si'imeta anemta, inen jiame ne jikkajak: Ju'u bem bwikrianaa'u, intok eiyaawaka bem yo'orinaa'u, intok ju'u bem nesaunee'u, Ju'u che'a yo'otaka katekamtau intok ju'u Bwalatau, jiba yuu betchi'bo ameu lutu'uriatune, ti jiakai.

Junak san, jume' junama'a yo'otaka jokame betana, senu inen neu jiiak: ―Kat intoko bwaana. Bwe'ituk ju'u Juraa' teamtat yeu saka'ariam betana, seenu, ouseipo ta'eewame, ket, juka' che'a yo'o ya'ari, Labiituka'utat yeu simria, juna'a, juname'e ji'osiam a am etapo betchi'bo, intok jume' woo busanisi ammea suma'im, chukta betchi'bo, yo'olataka yeu simlaa ―ti neu jiiak.