Popular Bible Verses from 1 Samuel 4

Share

Idi madakamat ti lalaki ti Lakasa ti Tulag, naliad ni Eli iti nagtugawanna ket narung-o ti tengngedna ta lakay unayen ken nalukmeg. Uppat a pulo a tawen a nagserbi ni Eli nga ukom iti Israel.

Pinanagananna ti maladaga iti Icabod, ta kunana, “Pimmanawen ti dayag ti Dios iti Israel,” kayatna a sawen, ti pannakaagaw ti Lakasa ti Tulag ken ti pannakatay ti katuganganna ken ti asawana.

“Wen, awanen ti gloria ti Dios iti Israel gapu ta naagaw ti Lakasa ti Tulag ti Dios,” kinunana.