Popular Bible Verses from MARKUS 10

Share

Ai Anak Manusia kolé mai toé kudut intur latay, maik latang te intur atay, agu oké mosén latang te sambé taung ata do.”

Mori Yésus lélo isé agu mai taén: “Apa ata toé ngancéng le manusia, maik ngancéng le Mori Keraéng. Ai sanggén cao-ca ngancéng kéta taung latang te Mori Keraéng.”

Og kali mai taé de Mori Yésus ngong hia: “Koléh ga, le imbim tara inam hau!” Du hitu kéta muing rodo ita kaut gi, itug kali hia lut Mori Yésus oné salang.

Landing hitu apa ata poli nekid le Mori Keraéng, toé ngancéng céar kolés le manusia.”

Og kali Mori Yésus lélo hia agu momang koléy, itu kali curup agu hia: “Témé ca kin géong de hau: ngoh ga, pika taungs paéngm, agu téing oné ata lénggé, hau te tiba paéng éta mai Surga, poli hitu mai cé’é agu lut Akuh.”

Mai réi de Mori Yésus agu hia: “Apa kéta ngoéngm, kudut pandé Laku latang te hau?” Mai walé data buta hitu: “O Tuang Guru, kudut ngancéng itak aku!”

Néka nggitu latang te méu. Céing oné mai méu ata lélak kudut ciri ata mésé, olong ciri ata intur laingy di

Aku taé agu méu: Moro matan, céing kaut ata toé tiba Adak de Mori Keraéng cama ného anak koé, hia toé ngancéng ngo bonén.”

Maik dod ata tekolo te ciri ata taki musis, agu ata taki musi ciri ata te kolos.”

Ai du wangkan lino ho’o Mori Keraéng dédék ata rona agu inéwai, landing hitu ata rona paka legong eman agu endén, ka’éng neki ca agu winan, wiga isét sua situ ciri ca wekis kali.