Popular Bible Verses from Hechos 5

Share

Tsënö niptinmi Pedro y pëwan këkaq apostolkuna kënö niyarqan: <<Nunakunata cäsuyänäpa rantinqa Teyta Diostam cäsuyänä.

Pëkunaqa waran waranmi templupa patiunchö y wayikunachöpis nunakunata yachatsir Jesús salvamaqnintsik Cristo kashqanta willakuyaq.

Tsëmi Pedro kënö nirqan: <<Ananías, ¿imanirtaq Satanásta cäsur Espíritu Santuta ulipëkanki? ¿Imanirtaq wakin qellëta rakikurkur: <Këllam chakräpa chanin> nikanki? Rantikuyashqëki chakrapis y qellëpis ¿manaku qamkunapa kashqa? Tsënö këkaptin ¿imanirtaq ulikurqunki? Manam nunakunatatsu ulipashqanki, sinöqa Teyta Diostam>>. Pedro tsënö nishqanta wiyëkurmi Ananías tsë höra wanurirqan. Tsënö wanushqanta musyarirmi nunakuna alläpa mantsakäyarqan.

Tsëmi noqa käyitsiyaq: Kë nunakunata dejariyë. Ama cäsuyëtsu. Kikinkunapa yarpëninllapita willapäkuyaptinqa tsëllachömi ushakärinqa. Sitsun willakuyänanpaq Teyta Dios churashqa, manam imanöpapis ushakätsita puëdiyankitsu. Paqtam ushakätsita munar Diospa contran imatapis rurëkäyankiman>>.