Popular Bible Verses from 1 Juan 3

Share

Kuyë wamralläkuna, janan shonqullaqa ama kuyanakushuntsu, sinöqa imëpis yanapanakur rasunpa kuyanakushun.

Kuyakuq kanantsikpaqqa Jesucristo noqantsik rëkur wanushqanta käyikushun. Noqantsikpis kuyakuq karqa nuna mayintsik rëkur wanurinantsikpaqpis listum këkashwan.

¡Käyikuyë! ¡Teyta Dios alläpam kuyamantsik! Kuyamarnintsikmi <<wamräkunam kayanki>> nimantsik. Rasunpam wamrankuna këkantsik. Wamrankuna kashqantsiktaqa Teyta Diosta mana chaskikuq nunakuna manam käyiyantsu. Tsënö käyiyantsu Teyta Diosta mana reqirmi.

Jutsa rurëta mana jaqiriq kaqqa diablupa munëninchömi këkan. Diabluqa kë patsa qallashqanpitam jutsata ruran. Diablu rurashqankunata ushakätsinanpaqmi Teyta Diospa Tsurin Jesucristo shamurqan.

Teyta Diospa wamran kaqkunaqa manam jutsata rurayannatsu, sinöqa Teyta Dios munashqannönam kawayan. Teyta Diospa wamran karmi jutsa rurëta jaqiriyan.

Këkäpamashqaqa nuna mayintsik pishipakïchö këkaptin mana yanaparqa manam Teyta Dios kuyakuq kashqannötsu këkantsik.

Mandamientunkunata cäsurmi pëwan këkantsik y pëpis noqantsikwanmi këkan. Noqantsikwan pë këkashqanta musyantsik kachamushqan Espíritu Santuta chaskikushqa karmi.

Pipis jutsata rurar nuna mayinta chikirqa manam Diospa wamrantsu, sinöqa diablupa wamranmi. Tsënöpam musyantsik Diospa wamran pï kashqanta y diablupa wamran pï kayashqantapis.

Juknintsik juknintsikpis kuyanakunantsikpaq kashqantaqa unëpitanam musyantsik.

Kuyë wawqikuna y panikuna, musyantsikmi jutsa ruraq nunakuna chikimashqantsikta.