Popular Bible Verses from Xuâum 19

Share

Enovâne Jesus neko víyum, hara kôe: —Únzexone uhá koeti nóngone indúkea —koéne. Yane nonoo koéne, îhunokoane ne omíxone, ivókovone.

Exoâne Jesus koúsokeovone uhá koêti ne nókone koúsokeovo xokóyoke, hara koéne: —Epékonuti úne —koéne. Yane koati tokopóvoti neko kúxoti yutoéti ya emó'uke Itukó'oviti koyuhoâti kó'iyeanemoye.

Noixoâne Jesus neko êno, yóko'omaka ne po'i íhikau ákoti omotóva okóvo xêrerekuke, hara kixo êno: —Kutí íxepane xi'íxa râ'a —kíxoane. Kúteanemaka yuhó'inoa Jesus neko íhikau: —Kutí íxepane mémaina —kíxoane. Ukeátine yaneko káxe, omópone Mâriya neko íhikau Jesus óvokuke katarákopati.

Itea koeku símea xoko Jesus, noixoâne ivókeovone, ákone kíxoaku. Itea ápe póhuti húndaru yuvorókeati xêrere ya suîke. Yane ipúhikone íti yoko úne.

Enepo kixínokonokeneye Jesus, koati kousókovoti neko kúxoti yutoéti ya emó'uke Itukó'oviti, enepone koêti: “Ákomo ápahuina ôpe ekehókoti” koêti. Koane hara koémaka po'íke: “Noixoâtimo ne yúvoroe” koémaka.

Úkeane omohíko Jesus, koinó kixoti kurúhuna yonoti xokóyoke ne iháxoneti “Opepú'iti”. Kene ya yuho jûdeu, Ngoûgota koéha.

ínamaka uhekéxinoa húndaruhiko ka'áveti káva'o tikóti itukínoati kôroana ne Jesus, ina ipíhea tutíkuke. Itúkinoamaka harará'iti ípovo hamá koeti, kuteâti ípovo nâti