Popular Bible Verses from EFESO 5

Share

Me vaka ni o ni sa luvena lomani na Kalou, ni tovolea sara mada mo ni vakadamurimuri koya. Mo ni vakaitovotaki kemuni tikoga ena loloma; me vaka na nona lomani keda na Karisito ka solia na nona bula ena vukuda, me i solisoli vinaka ka i soro e vakalomavinakataka na Kalou.

Mo ni qarauna vinaka sara kina na nomuni i valavala ni bula. Ni kakua ni vakataki ira na tamata dauvakalecalecava na ka, ia ni vakataki ira ga na yalomatua. Vakayagataka vinaka na gauna ka ni sa gauna ca na veisiga oqo.

O koya oqo mo ni kakua kina ni daumateni, ni sa dau yaco kina na ka vakasisila, ia mo ni vakasinaiti ga ena Yalo Tabu. Mo ni veivosaki vakai kemuni ena same, kei na sere, kei na meke vakayalo; ni laga sere kei na same vua na Turaga ena vakavinavinaka e lomamuni. Ni vakavinavinaka tikoga vua na Kalou na Tamada ena vuku ni ka kecega, ena yaca ni noda Turaga ko Jisu Karisito.

Ni kakua ni yalowai, ia ni vakasaqara ga na veika e vinakata na Turaga mo ni cakava.

Kemuni na tagane vakawati, ni lomani ira na dui watimuni me vaka sa lomana na i soqosoqo lotu na Karisito ka solia na nona bula ena vukuna.

Ni o ni a dau tu eliu ena butobuto, ia ni o ni sa yaco mo ni sa nona tamata na Turaga, o ni sa tu ena rarama. Ia mo ni bula voli me vaka na luve ni rarama.

Ni dui vakamalumalumutaki kemuni vakai kemuni ena nomuni dokai Karisito.

Kemuni na yalewa vakawati, ni dui vakamalumalumutaki kemuni vei ira na dui watimuni me vaka na nomuni vakayacora vakakina vua na Turaga.

Ia mo ni dui lomani ira vaka talega kina na dui watimuni me vaka na nomuni dui lomani kemuni; ia na yalewa vakawati me vakarokorokotaka na watina.

Me vaka sa kaya na i Vola Tabu, “Na ka oqo ena biuta kina na tamana kei na tinana na tagane me rau duavata kei na watina, ka rau na yaco me duabau ga.”

Ni kakua ni malele vei ira na tamata era dau cakava na i valavala ni butobuto ka sega ni yaga, ia mo ni vakaraitaka mai na veika oqori ki na rarama me laurai votu.