Popular Bible Verses from 1 CESALONAIKA 5

Share

Ni reki tikoga. Ni masu tikoga me kua ni mudu. Ni vakavinavinaka ena vuku ni veika kecega ena veigauna kecega, ni sai koya oqo na loma ni Kalou vei kemuni ena vuku i Karisito Jisu.

Me qai vakasavasavataki kemuni sara na Kalou dauveivakacegui; ka me qai maroroi vinaka me taucoko sara vakaoti na yalomuni kei na lomamuni kei na yagomuni me yacova na siga ena lako tale mai kina na Turaga ko Jisu Karisito. Sa yalodina o koya sa kacivi kemuni, ka na vakayacora na veika oqo.

Ni raica me kakua ni dua me veisausaumitaka na ca vua e dua tale, ia ni nakita tikoga mo ni caka vinaka ena kemuni maliwa ka vakakina vei ira na tamata kecega.

O koya oqo mo ni veivakacegui ka veivakayaloqaqataki kina vakai kemuni, me vaka o ni sa vakayacora tiko.

Keitou sa vakamasuti kemuni na veiwekani mo ni vunauci ira era sa vucesa, ni vakayaloqaqataki ira era sa yalolailai, ni vukei ira era sa malumalumu, ka dauvosoti ira na tamata kecega.

Ni a sega ni lesi keda na Kalou me da rusa, ia me da taukena ga na veivakabulai ena vuku i Jisu Karisito na noda Turaga.

O ni sa gone ni rarama kece sara, ka gone ni siga; eda sa sega ni gone ni bogi, se gone ni butobuto.