Popular Bible Verses from Jemesa 4

Share

O koya oqo mo ni vakamalumalumutaki kemuni kina vua na Kalou. Vorata na tevoro, ena dro tani kina mai vei kemuni o koya.

Toro voleka yani vua na Kalou, ka na toro voleka mai vei kemuni o koya. Ni vakasavasavataka na ligamuni, oi kemuni sa dau kitaka na i valavala ca! Ni vakasavasavataka na yalomuni, oi kemuni na dauveivakaisini!

Ni vakamalumalumutaki kemuni ena mata ni Turaga, ena qai laveti kemuni cake o koya.

Ia na loloma-savu sa solia na Kalou sa levu cake sara. Ni sa kaya na i Vola Tabu, “Sa dau vorati ira na viavialevu na Kalou, ia sa solia ga na nona loloma-savu vei ira sa yalomalumalumu.”

O koya oqo era sai valavala ca kina o ira vakayadua sa sega ni vakayacora na veika dodonu era sa kila vinaka tiko ni dodonu me ra vakayacora.

Ena gauna o ni kerekere kina, sa sega ga ni rawa baleta ni cala tiko na nomuni i naki ni kerekere; o ni sa kerea ga na veika me vakamarautaki kemuni ga vakai kemuni.

Ni yavu tamata dauveidabui! O ni sega beka ni kila ni sa veimecaki kei na Kalou o koya yadua sa via veitokani kei vuravura?

E baleta na cava, ka ni o ni sega tiko mada ga ni kila se na vakaevei na nomuni bula ena siga ni mataka! O ni sa vaka ga na kabukabu, sa rairai vakalekaleka mai ka sa seyavu tale yani.