Popular Bible Verses from Roma 7

Share

Mi e taki Gado grantangi tak' na Yesus Kristus, wi Masra, e du dati! So mi e si tak' nanga mi ferstan mi e du san Gado wèt e taki, ma nanga a sondufasi fu mi, mi e du san a wèt fu sondu e taki.

Mi sabi tak' no wan bun no de na ini mi, sobun na ini a sondufasi fu mi. Bika mi e angri fu du san bun, ma mi no man.

Mi no e du a bun san mi wani du. Ma a ogri san mi no wani du, na dati mi e du.

So efu mi e du a sani san mi no wani fu du, dan a no mi e du en moro, ma na a sondu di e libi na ini mi.

So mi kon si wan sani ini a libi. Dati na tak' te mi wani du bun, a ogri de leti drape. Dipi ini mi ati mi lobi a wèt fu Gado

Fu di mi e du san mi no wani du, dan dati e sori mi tak' mi e agri nanga a wèt, èn tak' mi e feni en bun.