Popular Bible Verses from Apocalípsis 6

Share

Sayno nimuptin rikärishqächömi bäyu cawalluta rikarqä. Loqaraqninpa jutinmi karqan Wanuy. Paypa qepantanami Hades shamurqan. Ishkanmi yarqayämurqan runakunata espädawan, muchuywan, qeshyawan y munti uywakunawan wanusiyänanpaq. Saymi munayyuq kayarqan pulanpa pulannin runakunata wanusiyänanpaq.

Sayno nimuptin rikärishqächömi yuraq cawalluta rikarqä. Loqaraqninmi flëchan aptash kaykarqan. Paymi corönata chaskirkur Tayta Diospa contran kaqkunata majaypa majar ushakäsinanpaq aywarqan.

Röllucho pisqa kaq laqaraykaq cërata Carnish jorquriptinmi almakuna altar chakincho kaykäyaqta rikarqä. Say almakuna kayarqan Diospa wilakuyninta wiyakuyashqanpita y Jesucristuman yärakuyashqanpita wanusiyash runakunapa almankunami.

Paykunami sinchipa niyarqan: <<Nishqaykikunata cumpliq santu Tayta Dios, ¿imaynataq wanusiyämaq runakunata juzganki?>> Sayno niyaptinmi Tayta Dios nirqan: <<Shuyaykuyayraq. Qamkuna wanuyashqaykinölami wakin yärakamuqkunapis wanuyanqa>>. Sayno nirmi say almakunata yuraq mödanata jatiparqan.

Sayno nimuptinmi puka cawallu yarqamurqan. Loqaraqninmi jatun espädata chaskiskir runakuna chikinakur kikinpura wanusinakuyänanpaq aywarqan.

¡Lapan runakunata castigananpaq kaq tiempu chämushnami! ¡Tayta Diospa castïgunta manami pipis awantanqasu!>>

Röllucho soqta kaq laqaraykaq cërata Carnish jorquriptinmi pasa fiyupa suksukyarqan. Say hörami rikarqä inti yanayar lütu tëla niraq rikakuqta y killapis yawar niraq rikakuqta. Fiyupa wayraptin hïgus shikwamuqnöraqmi qoyllarkunapis jana pasapita shikwayämurqan.

Röllucho kimsa kaq laqaraykaq cërata Carnish jorquriptinmi nawpancho kaq chusku kawaykaqkunapita juknin qayakamur nimurqan: <<¡Shamuy!>> Sayno nimuptin rikärishqächömi yana cawallu shamuykaqta rikarqä. Loqaraqninmi balanzan aptash kaykarqan. Saymi say chusku kawaykaqkunapa chawpinpita kayno nimuqta wiyarqä: <<¡Muchuymi kanqa! Saymi juk junaq arur gänayashqan aypanqa juk kïlu trïguta o kimsa kïlu cebädata rantiyänalanpaq. Muchuy kaptinpis aceititawan vïnutaqa ama ushakäsiysu>>.

Jana pasapis rölluno luylukarkur luylukarkurmi elaqakäkurqan. Jirkakuna y lamarcho islakunapis juklämanmi witikuyarqan. Kay pasacho reykuna, rïcukuna, mandaq soldädukuna, ashmaykuna y wakin runakunapis qaqakunaman y machaykunamanmi pakakuyarqan.