Popular Bible Verses from Filipenses 2

Share

Runa mayikiwan ama chikinakuyaysu ni yachaq tukuyaysu, sinöqa pïmaytapis aliman churar respëtuwan rikayay. Kikilaykikuna ali kawayänaykipaq yarpachakuyänaykipa trukanqa wakinkunapis ali kawayänanpaq yarpachakuyay.

Jesucristo kawashqanno qamkunapis kawayay.

Payqa Dios kaykarpis manami jana pasalachösu täkurqan. Munayyuq kayninta kacharirmi ashmaynöla kananpaq noqansino yurirqan. Runa karnami Tayta Dios munashqanta rurashpan cruzcho wanurqan.

Pay munashqanno kawayänaykipaq kikinmi shakyäsiyäshunki y poderta qoyäshunki.

Saymi Tayta Dios payta churash lapanpitapis mas munayyuq kananpaq. Paytami jutita churaparqan lapanpitapis mas munayyuq kaqta. Saymi jana pasacho kaqkuna, kay pasacho kaqkuna y infiernucho kaqkunapis Jesucristuman qonqurpakuyanqa. Saychömi pïmaypis niyanqa Jesucristo Señorninsi kashqanta. Sayno nirmi Tayta Diosta lapanpis alabayanqa.

Mana jamuränakuypa y mana rimanakuylapa imaypis kawayay. Sayno kawayaptikiqa Diospa wamran kayashqaykita tantiyakur manami pipis washaykita rimanqasu. Saymi mana cäsukuqkunapa markancho tarpis sakaypa aksi asikyashqanno kayanki.

Kuyay wawqi panikuna, sayno kaykaptinqa qamkunawan kaykaptï cäsukayämashqaykinöla karucho kaptïpis cäsukayämay. Salvashna kayashqayki musyakänanpaqqa Tayta Diosta mansapakur lapan shonquykikunawan pay munashqanno kawayay.