Popular Bible Verses from Colosenses 3

Share

Imalapitapis rabyanänaykipa trukanqa awantakuyay. Jaqayäsinakur imarqa perdonanakuyay. Jesucristo perdonayäshushqaykinöla qamkunapis perdonanakuyay.

Kay pasalacho kawayänaykipaq yarpachakuyänaykipa trukanqa gloriacho kawayänaykipaq yarpachakuyay.

Imata rurarpis runakunapaqnölaqa ama rurayaysu, sinöqa Señor Jesucristupaqno lapan shonquykikunawan rurayay.

Tayta Dios akrashqan y kuyashqan santu runakuna kaykarqa jukniki juknikipis kuyapänakur kawayay. Saynöpis yanapänakuyay, mana yachaq tukuypa kawayay, pïmaypaqpis ali shonqu kayay y pacienciakuyay.

Jesucristupa ali wilakuyninta imaypis yarparäyay. Say wilakuyninta shumaq tantiyakur yachasinakuyay y cäsukuyänaykipaq shakyäsinakuyay. Salmukunata, himnukunata y cörukunata cantar Tayta Diosta lapan shonquykikunawan agradëcikur alabayay. Imata rurarpis y imata parlarpis Señor Jesucristupa jutincho rurayanki y parlayanki. Jesucristo salvayäshushqaykipita Tayta Diosta imaypis päkilä niyay.

Imano karpis kuyanakur jukniki juknikipis juk shonqula kawayay.

Jesucristuwan kawarimushna kaykarqa gloriacho kaqkunata ashiyay. Saychömi Tayta Diospa aluq kaq nawpancho Jesucristo jamaraykan.

Jesucristupita ali kawayta chaskikush kaykarqa pïmaywanpis ali kawayay. Juk shonqula kawayänaykipaqmi Tayta Dios qayayäshushkanki. Saynöpis Tayta Diosta imaypis päkilä niyay.

Sayno kaykaptinqa mana jusalikuypa kawayay. Fornicación jusata ama jusalikuyaysu ni shonquykikuna mana alikunata munashqanta rurayaysu. Rïcuyaylapaqpis ama yarpachakuyaysu. Rïcuyaylapaq yarpachakurqa ïdulukunata adoraqnömi kaykäyanki.

Qamkunaqa jusalikuypaq wanushna karmi Jesucristuwan Tayta Diospa nawpancho kawaykäyanki. Sayno kawayashqaykita runakuna kanan mana rikarpis

Kananqa pitapis ama rabyapäyaynasu, nanaparäyaynasu ni chikiyaynasu. Ama pipa washantapis rimayaynasu ni manakaqkunata parlayaynasu.

Saynöpis jukniki jukniki lulapänakuyaynasu. Makwa mödanata jitariqno unay kawayashqaykita kacharir pay qoyäshushqayki mushuq kawaytana kawayay. Mushuq kawayta chaskikuyaptikimi kamamaqninsi Tayta Dios waran waran tantiyaykäsiyäshunki pay kashqanno kayänaykipaq.

Runakuna, warmikikunata kuyayay. Olqutupänaykipa trukanqa ali shimilaykipa tantiyasiyay.

Wamrakuna, mamaykita y taytaykita imaypis cäsukuyay. Sayno cäsukuyänaykitami Señor Jesucristo munan.

Warmikuna, Señor Jesucristuta chaskikushna kaykarqa runaykikunata cäsukuyay.