Popular Bible Verses from Lucas 5

Share

Imutaybin pu'u bima, o'jekawẽn Simão eju―kobe iwat eju. — Tibucũg̃ pe aju axima bum — io'e. Tibucũg̃ pe ip o'ju. — Axima bubuap cuy eg̃uakõm tibucũg̃ pe axima bu am — io'e Simão be.

— Kariwa, ixima bun oceku axima bu ojuy — io'e Simão. — Ocejat g̃u. Imẽnpit waram oceg̃uakõm imẽn ẽn e'em ocewebe buye — io'e. Sa. Axima bubuap o'g̃uakõm. G̃ebuje axima o'jat ade. Xeresu g̃u axima. Kurekoh. Axima bubuap jewek ojuy axima poxi pibun.

Jesus pit o'jẽm cexewi ip. Poxerwun. Cexewi ip cẽmcẽm'uk osunuy jekawẽn ãm Deus eju. Uk'a'ũmat pe kawẽnwẽn'uk osunuy Deus eju.

— Imẽnpuxim cũg̃ ma jekuku'ukayũ nomuwã ãm g̃u ojot―ikẽrẽat mujurũg̃rũg̃'ukayũ nomuwã ãm acã — io'e. — Ojot “Eyg̃uycũg̃cũg̃ cuy epesop ikẽrẽat kug̃ puye” i'e am cebe — io'e Jesus. — “Ikẽrẽat mujurũg̃rũg̃ap cuy epeyepere” i'e am tak ojot — io'e Jesus.

Iboap co buje, Simão Pedro o'jẽg̃'aecõg̃cõg̃ Jesus wap jexe ya'õbuyxi buye. — Okukukat, wede ece oxewi — io'e. — Õn ma ikẽrẽat kug̃. Ẽn pit a'õbuyxi. Oxe g̃u juy eg̃uy — io'e―Simão o'e.

Jesus o'jekawẽn ceweju ip. — Iwãtaxipi'umat g̃u cucum wuyanũg̃tata'ukat kay―iwãtaxipiat acã — io'e.

G̃ebuje Simão o'ju Jesus kay, cewejuayũ dak. Putwedu'i. Jekobe o'tujuu ip kapurũg̃ pe. Soat o'suiwat ip ibun Jesus eju jeku am. Soat em Jesus eju oekuku ip.

Ikabog̃atka be bima ag̃okatkat oajẽm Jesus kay―ierepat. O'jẽg̃'aecõg̃cõg̃ cewap jexe ya'õbuyxi buye. — Kariwa! — io'e Jesus pe. — Ebu'u'ũm pima, omu'adam ece — ierepat o'e. Pucũg̃. Jesus o'jebaepucũg̃ cekay. — Obu'u g̃u emu'adam — io'e. — G̃axĩn ma õn jemu'ada — io'e. Jesus a'õbi ierep topibit dao ma o'je'ada. Xipat o'e.

Imẽnpit soat ka watwat Jesus awẽg̃ o'yawẽg̃tobuxik ip―ierepat o'g̃u'ada iap awẽg̃. Imẽnpuye adeayũ o'je'awero ip ixe ekawẽn co am. O'je'awero ip Jesus pe jewemu'ada am tak.