Popular Bible Verses from Tiago 5

Share

Hã jé jagnẽ mỹ tó, ãjag tỹ Topẽ vĩ mranh ja ti. “Ti vĩ mranh inh, tag han kỹ,” hem nĩ jagnẽ mỹ. Kỹ jagnẽ to Topẽ mré vĩm nĩ gé, ti tỹ ãjag tỹ há' he jé, ti tỹ ãjag kaga tỹ tũ' he jé. Ẽg tỹ vẽjykre kuryj han kỹ tóg ẽg vĩ mẽ kỹ han mũ sir, Topẽ ti, ẽg tỹ ti mỹ nén ũ to vĩ', to vĩ' hen kỹ.

Ãjag tỹ nén ũ jagy ven kỹ Topẽ mré vĩm nĩ. Ãjag mỹ sér tĩn kỹ Topẽ mỹ jãn nĩ, kỹ ti jé tóm nĩ.

Ag tỹ ẽg Senhor mré vĩn kỹ tóg ũn kaga ẽn tỹ há' henh ke mũ sir, ag tỹ ti tỹ há' henh ke to: “hỹ mỹ vỹ?“ he tũ nĩn kỹ. Kỹ ũ tỹ ti vĩ mranh kỹ Topẽ vỹ ti mỹ vẽnh pãte fón ke mũ gé sir.

Ãjag kaga nỹtĩn kỹ igreja to kófa ag jé prẽrm nĩ. Ẽn ag vỹ ũn kaga to Topẽ mré vĩnh ke mũ, kỹ ag tóg azeite tỹ ũn kaga to tĩn ke mũ, ẽg Senhor jiji tó kỹ.

Kỹ ũ tỹ ti mré vĩ mũ ẽn tóg ti kren han mũ sir, nũgme to, ti tỹ ti tỹ kygnẽ ja ẽn tovãnh kỹ. Kỹ Topẽ vỹ ti tỹ ti vĩ mranh ja ẽn tỹ vẽnh pãte fón mũ sir. Tag to jykrén nĩ. Hã vẽ.