Popular Bible Verses from Apocalipsis 3

Share

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

La̱in ninnau chanru nak cuanquex. La̱ex incꞌaꞌ yo̱quex chinpa̱banquil chi anchal e̱chꞌo̱l, chi moco yo̱quex chintzꞌekta̱nanquil. Us raj nak tine̱pa̱b chi anchal e̱chꞌo̱l malaj ut tine̱tzꞌekta̱na raj chi junaj cua. Abanan la̱ex chanchanex li haꞌ moco tik ta, chi moco que. Yal lulu ban. Xban nak xcab rix e̱chꞌo̱l nak yo̱quex chinpa̱banquil, la̱in texintzꞌekta̱na. Chanchan texinxaꞌcua nak texintzꞌekta̱na.

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Aꞌan yo̱ chixyebal e̱re chi joꞌcaꞌin: La̱in ninnau chanru nak cuanquex. La̱in xinte li oqueba̱l che̱ru ut ma̱ ani naru ta̱tzꞌapok re. Ninnau nak incꞌaꞌ cau e̱rib. Abanan incꞌaꞌ xine̱tzꞌekta̱na. Junelic ban nequeba̱nu li cꞌaꞌru ninye.

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

La̱in chi se̱b tincha̱lk. Tincuulak e̱riqꞌuin. Joꞌcan nak cauhak taxak e̱chꞌo̱l saꞌ le̱ pa̱ba̱l ut me̱canab inpa̱banquil re nak te̱cꞌul le̱ kꞌajca̱munquil li tinqꞌue ut re ajcuiꞌ nak incꞌaꞌ ta̱qꞌuehekꞌ re jalan.

Qꞌuehomak retal chanru nak cuanquex. La̱ex incꞌaꞌ tzꞌakal re ru le̱ yuꞌam chiru li Ka̱cuaꞌ Dios. Joꞌcan nak qꞌuehomak e̱chꞌo̱l chi pa̱ba̱nc chi tzꞌakal ut michꞌinan chic e̱chꞌo̱l.