Popular Bible Verses from San Juan 5

Share

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Nak li Jesús quiril li cui̱nk jiljo aran chire li haꞌ quixnau nak ac najter roquic lix yajel. Quixye re: —¿Ma ta̱cuaj qꞌuira̱c? chan re.

La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in. La̱ex incꞌaꞌ nequeraj xpa̱banquil nak la̱in ninqꞌuehoc e̱re le̱ yuꞌam chi junelic.

Quixye li Jesús re: —Cuaclin, xoc la̱ cuarib ut be̱n, chan re. Saꞌ ajcuiꞌ li ho̱nal aꞌan li cui̱nk quiqꞌuira. Quixakli, quixxoc lix cuarib ut quibe̱c. Aꞌin quicꞌulman saꞌ li hiloba̱l cutan.

Joꞌcan nak li Jesús quixye reheb: —Relic chi ya̱l tinye e̱re, La̱in li Cꞌajolbej. Ma̱cꞌaꞌ naru tinba̱nu injunes. Li cꞌaꞌru naxcꞌut chicuu lin Yucuaꞌ, aꞌan li ninba̱nu. Chixjunil li naxba̱nu lin Yucuaꞌ, aꞌan li ninba̱nu la̱in.